Discussione:Rusc

Da Wikipedia.
Jump to navigation Jump to search

Srèv-la mjóra la scritùra rùs'c? Perchè in dal disiunàri 'd Carpśàn dal 2011 a s escrìv russch mo in quî ch'a gh'ò mè ed mudnéś e 'd bulgnéś pròpia a n's in scrìv, e dòunca a dir-la tùta.., mè a la cambiarèv pròpia, cla scritùra chè.. :-p --Glo (discussioni) 20:40, 14 gen 2017 (UTC)

Mè a 'l lasarév acsè, la fórma S'C l'è druàda da qualchidòṅ par [st͡ʃ] cuma s'cèt ma a n gh sarév minga biśógn parchè al funéma [ʃ] in emigliàṅ al n gh'è briśa, anc se quànd i s tōś'n in gir, qvéi 'd chi atri regiòṅ i s al mét'n in bóca cuma s'a dgìsan SCIASCIUOLO. Inóltar 'l apòstruf in dla scritùra 'l è 'l ségn d'l eliśiòṅ che da 'l nòstri bandi a gh'è praticamènt sèmpar ma in rusc pròpria nò. In tut al manéri, esénd in Itàglia, quànd a gh'è di dubi, cuma in SCI/SCE, mè a drōv la Ć ad sćèt. Ma in dal nòstar caś rusc [rusk] 'l è pròpria parfèt (difarènt da risć [rist͡ʃ]), anc se dal vòlti a s cata anc la fórma rusch (cum in dal vèć disiunàri 'd miranduléś ch'a gh'ò mè).--Mirandolese (discussioni) 21:01, 14 gen 2017 (UTC)
Spiég'um parchè 't à mis 'l asènt su la “U” ad rusc, adès 't m à fat vgnir vója 'd savēr-al. Esénd-ag na vucàl sōla 'l è lògic ch'la sia anc tònica. In chi caś chè la sōla spiegasiòṅ la sarév quéla 'd far inténdar bèṅ al sòṅ dla vucàl quànd a gh'è di dubi cuma in PÉT vs PÈT. A n capìs minga 'l sèns, p'r un mantuàṅ ch'al gh'à la U a “làb'r ad cûl” sè (RÜSC) ma in carpśàṅ?--Mirandolese (discussioni) 21:36, 2 Zógn 2017 (UTC)
A 't dag crèdit 'd avér, a s pōl dèr, scrìt ed gêt, che s'a ìs guardê bèin a mōd al disionàri 'd carpśàn ch'a gh'ò in cà (mo a 'n éra gnû fóra 'n èter soquant mēś fà e ch'al 'm è scapê perchè a-j-era un pò fóra da 'l gîr...), lōr i 'l àn scrìt sàinsa asèint, mo mé mèder 'l è anc véra ch'la gh'dèva 'n cùć cum 'l è cucê al finêl dal fiùm Pò... :-°°° --Glo (discussioni) 21:59, 2 Zógn 2017 (UTC)