Discussione:Bicér
S'at vlis ślargàr la vóś, at prév cuntàr quèl su i bicér difarènt ch'i s pōl catàr in sla tavla. Cum a gh'è scrit in dal disiunàri ad Miranduléś ad Meschieri, a gh'è:
- Bicér cun al pē: Calice;
- Bicér mulâ: Bicchiere arrotato (cuśa sarés-al??? Al gh'è anc in milanés, bicer molaa);
- Bicér sbcâ: Bicchiere sboccato (scheggiato sul bordo);
- Bicér carpâ: Bicchiere crepato/rotto;
- Bicirèṅ / Biciròt: Bicchierino;
In quél 'd Attilio Neri (Mudnéś) invéci a gh'è:
- Cûl dal bicér: Fondo del bicchiere;
- un Bicirèin d'alchèrmel: Doppiosenso osceno (tè ch'at sē na dóna ad mónd, al sà't cuś a vōl dir ch'la fraś chè? Mè no!);--Mirandolese (discussioni) 08:31, 5 ott 2013 (UTC)
Prév-'l èsar un śōg ad paròli cun un Bicirèin d'alchèrmes?--Mirandolese (discussioni) 08:35, 5 ott 2013 (UTC)
- Capì tùt, mè ch' a sun 'd cal mònd chè: l' è un quel cùm' i diśèn sèimper i bulgnéś, ch' a s' vèd ch' i la savràn più lunga 'd nuèter, quànd i gh' an da smadunèr: "sciòrbo-lè".. Mo vìst che tè t' gh'ê al Néri 'd chèrta impusìbil da linkèrmel (a' n gh' èintra gnìnta la Kèrmel, ops, Mèrkel, ops l' Alkèrmel, ops l' Alchèrmes), t' gh' al prèv śuntèr anca tè, mo però t' gh' avrè da strichèr tuti chegli "aaa" sèimper śladinèdi al màsim, altrimèinti t' gh' avrèv da fèr 'na schéda per tô còunt...
- Adèsa mè m' cunsèinter a produr dla quantitè piò che dla qualitè (un mìnim però la gh' vôl)perchè a nn' em va brìsa ch' a sòma incòri al 190° post in clasìfica... Po' a nn' è mìa vàlid che tè t' em fàg ciacarèr d' quel che tè t' vè a dirìger int sùi osèin: 'na surèina castighèda ch' a sun: perchè 'n gh' in ciacàre-t cun chi èter trī gat? >-PPP (;-)) --Glôria (discussioni) 09:02, 5 ott 2013 (UTC)
- A t al dmand a tè parchè at sē tè ch'at fà dal tórti (a-j-ò vdû soquànti tò foto ch't à cargâ insém a di biscutèṅ e a dl'ua...), alóra a cardìva ch'at druìs anc di bicirèṅ 'd Alchèrmes, a pèns ch'al gh sia anc in dla Supa ingléśa... Pò ch'l Alchèrmel là (in mudnéś) a m pâr tant un Alcàr-'m-al ch'a s dróa dal mè bandi, cun (mutatis mutandis) gl'A a 'l pòst di E. Però a sarés un pò tròp, a n pòs minga crédar 'd arvér intéś giùst, a n è mia pusìbil ch'i nòstar vèć i fùsan acsè spurcaciòṅ.--Mirandolese (discussioni) 09:22, 5 ott 2013 (UTC)
- Mè a crèd pròpi ch' i fus'n spurcaciòun invéci, sòl ch' i gh' ìven pòc mèś p'r esprìmers, alòra i l' andèv'n a scrìver ins al disiunàri.. Incò t' pò guardèr di film spurcaciòun e pò gnìri a elenchèr ins la réda, sernènd tùti el pràtichi minusiosamèint.. cum' a gh' piès fer a un quelcd' un ch' a nn' fag mìa di nòm.. La tòrta l'èter dè a nn' l' ìva mìa purtèda perché l' éra un quel 'd tròp gròs.. A m' éra sòl gnu di dùbi esistensièl da ciarìr un puchìn cun na merènda, mo nn' éra mìa un cumpleàn.. --Glôria (discussioni) 10:59, 5 ott 2013 (UTC)
Inizia una discussione su Bicér
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Bicér.
