Discussione:121 (nùmer)

Da Wikipedia.
Jump to navigation Jump to search

...ouff, ala pensiòun, gh'rivòmja?! --Glo (discussioni) 09:15, 22 Avr 2018 (UTC)

Gh'à't vója 'd mét'r-i a pòst tè (esénd in carpśàn) o gh'ò-j-a da scanślàr-i?--Mirandolese (discussioni) 12:19, 22 Avr 2018 (UTC)
No, gràsia, incō a gh'ò 'n pò 'd tèinp, a 'm sacrificarò.. --Glo (discussioni) 12:34, 22 Avr 2018 (UTC)
Despiaśùda per la mé preśèinsa dimòndi stremnèda chè in sima in di ùltem tèinp, mo a preven anc considerèr che 'l reśdóri più modèrni e avànti coi tèinp, i scapen vìa dala Fornero, dai mobbing di più cajòun (ch'i nn'àn incòr capî che 'l strìi i culpìsen a 'l ganbi quand meno i gh'pèinsen) e dala ṿciàia vigliàca... col canbièr lavōr quand tut chièter i s al tinen stric per la stanèla, chel brevi reśdóri chè i van anc a scóla per tōr sù soquànt grèd e gnanc ann'armàgner sèinp'r acsè ignorànti, i n's cunpatìsen briśa gnanc tròp ed ciapèr di vōt ch'i sìen più bas dal 29... I manden avànti la cà col meśdel tolt p'r al mandeg, i spedìs'n el fióli a studdièr in del scóli più bòuni e coi profesōr furastér mo dimòndi furastér, tudèsc, ingléś e spaggnōl.. I sćiànchen cōr a drìta e a manca per la so avenèinsa, e incòr.. a n'gh'in śuntòm ;-) --Glo (discussioni) 14:19, 22 Avr 2018 (UTC)
P'r an śuntèrgh incòr che.. el só conpetèinsi i nn'ìn gnanc acsè cìchi da fèri śminghèr :-) e un quelc diretōr al i torna a ciamèr dèint'r in di ufìsi che lōr i s cherdìven 'd an turnèreg più indrē... Al mond dal lavōr al s'i tin strìchi, el reśdóri più avànti coi tèinp ;-)p --Glo (discussioni) 12:11, 2 Zógn 2018 (UTC)
Mè a sòṅ custrét a mét'r a pòst al paśni di ardupiadōr americàṅ parchè a gh'è òṅ dla Geòrgia ch'a gh tîṅ dimóndi a far al censimènt ad tut, specialmènt ad qvi minga tant famóś (dgénd pò ch'i èṅ tut di insgnànt ad ginàstica sōl parchè al còpia sèmpar la stésa schéda tut al vòlti), tè invéci ad gh'à da tgnir adrē a i nùmar ch'a gh'è un braśigliàṅ ch'al và sèmp'r adrē sénsa stufàr-as mai. Mè a pòrt pasînsa pinsànd che, dai pur, pò gl'ardupiadōr i finiràṅ bèṅ, a sòṅ piutòst in pinsēr par tè parchè i dìśan ch'i nùmar i n finìsan mai, pòvra raśdóra!--Mirandolese (discussioni) 17:48, 22 Avr 2018 (UTC)
Sè, a parrèv che i nùmer i n'finìsen briśa... Povra mè, speròm che in dal Braśìl i nn'al sàpien minga cal lavōr chè, che altrimèinti a 'm tucarà 'd tōr via al salùt anc ala mé amìga e cunpàgna 'd lavōr ch'la deśvìn da cal cantòun là... Povra nuèter... --Glo (discussioni) 19:07, 22 Avr 2018 (UTC)