Bulåggna

Da Wikipedia.
(Reindirizzamento da Bulágna)
Jump to navigation Jump to search
Quasst artéccol qué l é scrétt in bulgnaiṡ Emigliàn
BulåggnaBulágna
Bologna-SanPetronioPiazzaMaggiore1.jpg
Provincia Bologna.svg
Mirino.gif
Bologna-Stemma.png
ProvinciaPruvînciaPruvénziaPruvèinsa
AbitantiAbitântAbitàntAbitànt
(30 ed nuvàmmber dal 201930-11-2019)
392 696
SuperficieMetradûraEstensiånEstensiòun
(2 790 ab/km²)
140,73km²
AltitudineAltèsaAltazzaAltèssa
54m
Pref.tel. / CAPPrefés e côdisPreféss e côdgPreféss e còdiṡ
051 / 40100 (40121-40141)
Cod.ISTAT/catastoCod.ISTAT/catâstCod. ISTAT/catâstCod.ISTAT/catàst
037006 / A944
CoordinatePuṣisiòunPuṡiziånPusisiòun
Nome abitantiNòm di abitàntNuminâja
bulgnîṡ???
Santo patronoSânt prutetòurSant prutetåurSànt prutetór
(4 d utåbber4 d utåbber4 d'utóber)
San Ptròni???
FrazioniVéliFraziónFrasiòun
Frabâza, Padêren, Al Lépp, Al Båurg (Panighèl), Rigåuṡa???
Comuni contiguiCmûni ṣvinântCmóṅni ataîṡCumùn tachèdi
Sito istituzionaleSît dla cmûnaSît dla cmóṅnaSit dal cumùn
SindacoSéndechSénndicSéndech
(17/05/2011)
Virginio Merola
Tel. comuneTel. cmónaTel. cmóṅnaTel. cumùn
051-2193111
Email comuneEmail cmónaPòsta eletrònica cmóṅnaEmail cumùn

Evoluzione demograficaCambiamèint dal nómer di abitânt int al tèimpCanbiamänt dal nómmer di abitànt int al tänpCambiamèint dal nómmer di abitànt in dal tèimp

(anno)(ân)(àn)
(abitanti)(abitânt)(abitànt)(abitànt)
1861
116 874
1871
118 217
1881
126 178
1901
153 271
1911
179 311
1921
212 754
1931
249 226
1936
281 162
1951
340 526
1961
444 872
1971
490 528
1981
459 080
1991
404 378
2001
371 217
2007
372 699
Dati Nómer ed l'Nómmer dlNómmer ed l'ISTAT - elaborazione grafica Wikipedia.- grâfica ed la Vichipedèia.- grâfica dla Vichipêdia- gràfica dla Vichipèdia.

Bulåggna (Bologna in itagliàn) l é una zitè ed 387.554 abitànt, capitèl dla pruvénzia col sô nómm e dla regiån Emégglia-Rumagna. La s câta int al mèz dla Bâsa Padèna stral Po e i Apenén, par dîrla méj stra'l Ràggn e al Sèvna.

Ai é óṅna däli universitè pió antîghi dal månnd, l' "Alma Mater Studiorum", fundè dal 1088. Bulåggna l é óṅna däl zitè pió récchi e pió dsvilupè 'd Itâglia par vî dla só longa tradiziån industrièla e dla só puṡiziån al zänter däli autostrè e däl ferovî pió inpurtànti dal pajaiṡ.

Äl famåuṡi Dåu Tårr ed Bulåggna.

Stòria

Bulåggna l é stè fundè da i Etróssc e as ciamèva Felsina, stra sé e nå dal 534 prémma ed Crésst indóvv ai êren bèli stè i Vilanoviàn, di pigrèr e di cuntadén. La zitè etróssca la s dṡvilóppa atåuren a un santuèri tirè só in vatta a na culéṅna.

Dal 300 prémma ed Crésst, in zitè i gnénn i Boii, dla zänt gâlica, ch'î dénn al nómm ch'al guinté pó Bononia dåpp ch'i arivénn i Romàn dal 189 prémma ed Crésst. Äl prémmi famàjji rumàn äl fónn guidè da Lucius Valerius Flaccus, Marcus Atilius Seranus, e da Lucius Valerius Tappo.

I palâz såura a la Vî Emégglia, finé dal 187 prémma ed Crésst i fénn ed Bulåggna un gran zänter stradèl, d indóvv as psêva andèr in só fén ad Aràżż par la Via Flaminia minor e in żå fén ad Aquileia par la Via Aemilia Altinate.

Dl'88 prémma ed Crésst, la zitè la guinté un munizéppi: l'avêva däl strè drétti con sî cardi e òt decumani (däl strè cråusänti) ch'äl s pôlen vadder anc al dé 'd incû. Quand ai êren i Romàn, la żänt l'andèva dai 12.000 ai 30.000. L'era advintè anc la secånnda zitè pió granda 'd Itâglia dåpp Råmma e Pomponius Mela l'aveva tôlta insàmm äl zénc opulentissimae ("pió récchi") zitè d'Itâglia.

Ai gné un gran fûg såtta a Claudius mo Nerån la fé ricostruîr tótta da zémma a fånd dal prémm sécol dåpp Crésst.

Dåpp di sêcol ed dsgrâzi, Bulåggna la gné inpurtànta 'na secånnda vôlta dal 400 dåpp Crésst quand ai era al vàsscuv Petròni, ch'al gé tirèr só la cîṡa 'd San Stêven. A la fén dl Inpêr romàn, l'era 'na zitè ed fruntîra dl Esarchè ed Ravanna int la Bâsa Padèna e l'êra difaiṡa da na raiga ed mûr ch'al n êren brî˙ṡa al stassi ch'la zitè rumâna.

Dal 728 i arivénn i Lungubèrd insàmm al låur rà Liutprând, ch'la tulé insàmm int al raggn dî Lungubèrd. I cunquestadûr germânic i miténn só l'"addizione longobarda", un nôv riån ataiṡ a la cîsa ed San Stêven, indóvv ai stétt anc Carlomagno dal 786.

Dåpp Bulåggna la taché a cràsser e la guintè dal Mediuêv cmóṅna lébbra, la s żunté a la Lîga lunbèrda cånter a Federîg Berbaråssa dal 1164. Dal 1088, l é stè fundè l'Universitè ed Bulåggna, la pió vècia 'd Europa ch'l avêva di luminèri cme Irnerio e l'à avó cme studént da la só fundaziån Dante, Boccaccio e Petrarca. Dal 1100, la zitè ch'la s ṡlarghèva la tachèva a avair biṡåggn 'd'na nôva lénnia ed mûr, ch'l é stè finé dal 1500.

Bulåggna cme la géva èser dal Mediuêv.

Dal 1256, Bulåggna la publiché la Lażż dal Paradîṡ ch'l abulé la servitó feudèl e la liberé i sêruv coi sôld dla cmóṅna. Int al zänter dla zitè ai êren 'na móccia ed tårr (magâra 180), tirè só däl famàjj pió sgnåuri e anc dal cîṡ, dî palâz par tótt e di munastîr. Dal 1294 la dgéva èser óṅna däl zitè pió grandi d Europa, la sèsta dåpp Còrdoba, Parîṡ, Vnêzia, Fiuränza e Milàn coi só 60,000 o 70,000 abitànt.

Propi cme socuànti ètri zitè dl Itâglia ed chî ténp, a Bulåggna ai êren däl litigherî stra i sgnûr al guêren. A la fén, dal 1274, i mandénn vî la famàjja dî Ghibelén, i Lanbertâz. Dåpp che i Bulgnîṡ i én stè stianchè int la bataja dal Zapulén cåntr i Mudnîṡ dal 1325, Bulåggna la taché a inpuvrîrs e la dmandé la proteziån dal Pèpa al cminzéppi dal sêcol quatôrdg'. Dal 1348, quand ai êra la pèst, i murénn in 30,000.

Un sôld ed quand ai êren i Bäntvój (sêcol quénndg').

Dåpp al raggn felîz ed Taddeo Pepoli (1337-1347), Bulåggna l é stè in man ai Visconti ed Milàn, mo la turné såtta al Stèt dla Cîṡa col Cardinèl Gil de Albornoz dal 1360. L'ân dåpp ai é stè un pó la ripóbblica cme dal 1377, ch'al taché a tirèr só la Baṡéllica ed San Ptròni e la Mercanzî, con di tentatîv ed métter só al Pèpa o i Viscónt, mänter ch'al famàjj al s fêven sänper la guèra.

Vêrs la mitè dal 1400 i arivénn i Bäntvój, chî andénn al guêren con Sante (1445-1462) e Żvân II (1462-1506). St'êpoca l é stè la pió granda par Bulåggna e i tachénn a gnîri tant artésst e architétt ch'i fénn ed Bulåggna 'na zitè d'èrt. Dal Rinasimänt Bulåggna l é stè l'ónnica zitè itaglièna indóvv äl dòni al pséven advintèr tótt quall ch'al vlêven.

Al dòni i êren pió lébbri che in tótt i èter sît e ai êra anc qualli ch'ai arivèven anc a tôr 'na laurea a l'universitè.

L'Aṡnèla.

Al raggn ed Żvân al dṡmité dal 1506 quand al Pèpa Giólli II arivé col só eṡêrcit a Bulåggna e al purté vî tótta l'èrt ch'ai êra int al só palâz. Da alåura fén a la fén dal 1700 Bulåggna l é stè såtta al Stèt dla Cîsa e al guêren ai êra al cardinale legato mandè da Råmma insàmm a un Senèt ch'al eleżêva ogni dû mîṡ un gonfaloniere (gióddiz), con di èter òt cónsul pió vîc'.

La prosperitè dla zitè l'andè avänti, anc se al mèl naigher dla fén dal 1500 la purté la popolaziån da 72.000 a 59.000 abitànt e quand ai é stè n'ètra vôlta dal 1630 i arivénn a 47,000. Dåpp i êren carsó fén a 60,000-65,000. Dal 1564 i tirénn só al Żigànt e al Palâz di Banc ataiṡ a l Archiginèṡi, indóvv ai êra l'Universitè vècia. Al Pèpa al fé tirèr só dimónndi ed cîṡ e dî palâz religiûṡ, pió ch'in tótti äli ètri zitè 'd Itâglia. I artèsst ed st'êpoca i fundénn la Scôla bulgnaiṡa ch'l avêva stra i èter Annibale Carracci, al Minghén, al Guerzén e di èter cgnossó in tótta Euròpa.

Con Napoleån, Bulåggna l'êra dvintè la capitèla dla Repóbblica Cispadèna e dåpp al secånnd zänter pió inpurtànt dal Ràggn d'Itâglia dåpp Milàn. Quand Napoleån l é andè żå Bulåggna l êra turnè såtta al Pèpa (Stèt dla Cîṡa), ch'l udièva dimónndi. Dal 1831 e dal 1849 l'avêva tintè ed dstachères mo i austriac i arivèven sänper a dsfèr tótt. Stral 1849 e al 1860 ai êra anc una guarnigiån ed tugnén dl'Austria ed stänzia int la zitè.

Piâza dal Żigànt e drî la Piâza Granda.

Al ûltum pèpa-rà ch'l é vgnó a Bulåggna cme gvarnànt l é stè Pìo IX, ch'ai véns dal 1857 a inaugurèr una nôva facultè (qualla ed biologî) a l'Universitè. Dal 1859, al 12 ed żóggn i bulgnîṡ (insàmm ai Tuscan e ai Lunbèrd) i vûden pr andèr såtta al Ràggn ed Sardàggna, ch'l advént Ràggn d'Itâglia un ân dåpp.

Dåpp l'Unitè la zitè la guänta 'na móccia 'd inpurtanza par vî dla so cultûra mo anc parché la dvänta un zänter industrièl, comercièl e 'd traspôrt dimónndi inpurtànt. A l prinzéppi dal Novzänt la zitè la cràss e la dvänta récca, as câza żå äl vèci mûr (fòra che dî pzulén e socuànt pôrt) par fèr däl cà nôvi par la żänt.

Bunbardè fén a la fén dla secånnda guèra mundièl, Bulåggna l é stè ritirè só ed fûria e l é arturnè squèṡi sóbbit a èser óṅna däl zitè pió récchi, zivîl e méj urganiżè 'd Itâglia, anc par l'imigraziån ed tanta żänt ch'la gnêva da la Bâsa Itâglia (ciamè da la żänt par disprèz tarón, maruchén o magnamèl) e, int i ûtum ân, anc da l'Âfrica e da l'Âsia.

Inpurtanza

Bulåggna l é un zänter däl ferovî e däli autostrè dimónndi inpurtànt. Al distràtt dla Fîra l é al secånnd pió grand in Itâglia dåpp quall ed Milàn e al quèrt pió grand in Europa, col só eṡibiziån 'na móccia inpurtànti cme al Motorshow (mâchin, motoziclàtt; al pió inpurtànt dal månnd, as dîṡ, dal 2019 as câta a Môdna), Saie, Saiedue e Cersaie (costruziån), Cosmoprof (scanbiàtt), Lineapelle, ecz. Bulåggna e la só ârea metropolitèna l'à dimónndi 'd indósstri såura tótt mecânichi, dal magnèr e de l'eletrònica e po anc dî zänter ed vànndita pr al butaig (al Centergross dl'ârea nord), fén dal 1973, ch'l é stè par di ân al pió grand 'd Euròpa e al marchè itagliàn pió inpurtànt dla frûta e dla verdûra. Pó Bulåggna l é péṅna ed monumént, muṡî e ai é una vétta culturèla inpurtànta.

Tótt quasst l é incredébbil s'as pänsa che Bulåggna con la só ârea metropolitèna la rîva såul a 550.000 abitànt: e pûr, in Itâglia e in Euròpa, l'à 'na consideraziån par la só indósstria, la só cultûra e al só cumêrzi anc pió granda dla só dimensiån. A sti nómmer qué a arénn pó anc da żontèr anc i 100.000 studént ch'i vénen da fòra a studièr a l'Universitè.

Quî da vadder

Fén a la fén dl Otzänt, quand i tachénn a tirèr só di palâz in tótt i sît, Bulåggna l êra óṅna däl zitè medievèl mej cunservè dl Itâglia. Anc al dé 'd incû l é bän tgnó drî e l é óṅnica pr al só valåur stòric. Anc s i bunbardénn dimónndi la zitè dal 1944, al zänter stòric, on di pió grand dl Euròpa, l'à 'na móccia ed monumént dal Mediuêv, dal Rinasimänt e dal Baròc. La strutûra uriginèla di Rumàn la s vadd anc al dé 'd incû int äl fortificaziån dal Mediuêv e int äl tårr. Äl pió cgnossó i én al Dåu Tårr.

A Bulåggna ai é anc na móccia ed cîṡ:

I én nèd a Bulåggna o int i dintûren

Ażiänd inpurtànti

Gemelè con Bulåggna

Capoluoghi dell'Emilia-Romagna
Piasëinsa | Pärma | Rèz | Mòdna | Bulåggna | Frara | Ravêna | Furlé e Zisèna | Rèmin