Lîga Lunbèrda

Da Wikipedia.
Jump to navigation Jump to search
St artéccol qué l é scrétt in bulgnaiṡ Emigliàn
Mâpa dla Lîga Lunbèrda

La Lîga Lunbèrda (in lunbèrd Liga Lombarda, in latén Societas Lombardorum o Langobardorum o Lombardiæ) l é stè 'na liänza str'äl zitè dla Lunbardî, ch'un tänp la cunprandé tótta la Pianûra Padèna, dånca anc l'Emégglia. Lîga prinzipalmänt a livèl militèr, l'avó anc un guêren zivîl ciamè universitas, fât ed rapreṡentànt numinè däl zitè, ch'la mitêva in ât däl lażż tipicamänt risarvè a'l cmóṅni 'me dichiarèr la guèra, cn ón sistamma ch'incû a ciamän cunfederaziån, e al é stè ón di prémm eṡänpi ed sistamma ed guêren cunfederèl.

Anc se furmalmänt al n é brîṡa stè dsfè, e i só giuramént i én stè arnuvè socuànti vôlti se ai êren di perîcuel par la libertè däl cmóṅni l é tipicamänt parté in dåu Lîg: la prémma, ch'la cunbaté cåntr al Inperatåur Fedrîg Bèrbaråssa e la secånnda, ch'la cunbaté cåntr Fedrîg II ed Svêvia.

Lîga Lunbèrda
Flag of Milan.svg
Dêt aministratîv
Nom cunplēt Lîga Lunbèrda
Nom ufisiêl Societas Lombardorum,
Societas Lombardiæ,
Societas Langobardorum
Lèingv lunbèrd antîg, latén
Capitêl Milàn
Puletica
Fourma ed gvēran cunfederaziån
Prinsepi 1167
Mutîv distruziån ed Milàn
Fen 1250-1300
Mutîv Sgnurî
Teritôri e populasiouṅ
Zóna geugrâfica pianûra padèna
Teritôri uriginêl pianûra padèna
Religiouṅ e sosietê
Religiouṅ prinsipêl catolicêṡum