Anche i dottori ce l'hanno

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Hospital
Anche i dottori ce l'hanno
Anche i dottori ce l'hanno.png
La Frances Sternhagen in na figùra dal film
Anc i dutōr i gh 'l ànan
1971
Regia: Arthur Hiller
Scritùr: Paddy Chayefsky
Atùr: George C. ScottDiana RiggLenny Baker
Robert WaldenBarnard HughesDonald Harron
Richard A. DysartNancy MarchandDavid Hooks
Müsica: Morris Surdin
Lengua: Ingléś
Dürä dal film: 103 minüt
Nasiòṅ: Stat Unî


«
A prév anc èsar mat ma a créd 'd avēr uperâ 'l pasiènt śbaliâ.»
(Tagline dal film)


Anche i dottori ce l'hanno (Anc i dutōr i gh 'l ànan) 'l è 'n film dramàtic americàṅ dal 1971 'd Arthur Hiller ch'l à vins al Prèmi Òscar dal 1972 par la senegiadùra uriginàla ad Paddy Chayefsky c'n anc 'l atōr prutagunìsta George C. Scott numinâ. Al regìsta invéci 'l à vins 'l „Órs 'd Argìnt“ a 'l Fèstival ad Berlîṅ.

In dal 1995 i americàṅ i aṅ decìś, par la sò impurtànsa, ad tgnìr-al dacàt in dla bibliutéca dal cungrès di Stat Unî.

Sunt

Al dutōr Herbert Bock dit "Herb" (George C. Scott) al fà al primàri ad madśìna in 'n uśdàł ad Manhattan a New York in dua 'l inségna 'l mistēr a di studènt. 'L à pasâ i sinquànta, al gh'à 'l mâł dla lumàga e 'l à péna divursiâ da sò mujér dòp un matrimòni da daśmindgàr. I sò dū fiōi i èṅ stâ na deluśiòṅ par lò. Al fiōl masć al gh'à vint-a-tri an, 'l è 'n fan sfegatâ ad Mao Zedong, al tîṅ i cavìi lung, al s cumpatìs mia i burghéś cuma sò pàd'r e 'l è stâ casâ fóra 'd cà. La fémna, anc s'la gh'à sōl darsèt an, l'à bèla aburtî dū vòlti e l'è stada bcada a véndar dla dròga. Tuta la sò vita l'è stada incanalàda su 'l sò lavōr ma adès al n in pōl piò, 'l è dimóndi śò parchè 'l à pardû la pasiòṅ ad lauràr e 'l à anc pinsâ a tōr-as la vita.

Herb al cgnós la Barbara Drummond (Diana Rigg), la fiōla 'd un pasiènt rivâ lè da 'l Mèsic, Edmund (Barnard Hughes). Chi lē la gh salva la vita a 'l ùltim méntar lò 'l éra drē a sparàr-as dal putàs in dal véni par far-la finìda. I dū i faṅ 'l amōr par tri vòlti cla nòt lè e lē la gh śibìs 'd andàr via sèg par vìv'r in dla natùra in dal muntàgni mesicàni. A 'l uśdàł però i tàc'n a murìr òṅ dòp c'l àtar dū mèdag e n'infarméra ch'i ìvan śbaliâ soquànt intervènt.

Culegamènt estéran