Al bar dello sport

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Al bar dello sport
Al bar dello sport.png
Lino Banfi e la Mara Venier in na figùra dal film
A 'l bar spòrt
1983
Regia: Francesco Massaro
Scritùr: Franco Ferrini • Enrico Oldoini
Francesco Massaro • Enrico Vanzina
Atùr: Lino BanfiJerry CalàSergio Vastano
Mara VenierPino AmmendolaFranco Barbero
Müsica: Mariano Detto
Lengua: ItagliàṅPiemuntéśNapulitàṅ
VènetCalabréśLìgurFrancéś
Dürä dal film: 100 minüt
Nasiòṅ: Itàglia


Al bar dello sport (A 'l bar spòrt) l'è na cumèdia itagliàna dal 1983 ad Francesco Massaro, giràda a Turèṅ in Piemònt.

In dla culòna sunóra dal film a gh'è 'l braṅ L'italiano ad Toto Cutugno.

Sunt

Lino (Lino Banfi) 'l è 'n buletàri dla Basitàglia ch'al viṿ òspit a Turèṅ a cà 'd sò surèla Bianca (Annabella Schiavone) e 'd sò cugnâ piemuntéś Felice (Franco Barbero) ch'i gh'àn'n un baghét minga tant gustóś, Mike (Andrea Ciccolella). In dal tèmp lìb'r al s pasa 'l tèmp a 'l Bar Sport ad Walter (Tognella), insém a i sò amìg Gaetano (Pino Ammendola), Ciccio (Sergio Vastano) e Leo (Maurizio Mauri). A sarvìr a la casa a gh'è la sò muróśa dal Vènet Rossana (Mara Venier).

Un dè, tgnénd adrē a 'n cunsìli d'l óm dal pulisìi mut Parola (Jerry Calà), al śōga la schedìna dand vins a 'l Catàgna in cà dla Juventus e 'n gòl 'd Aldo Cantarutti a 'l ùltim minùt al gh parmét ad far “trédas” e 'd vìns'r un migliàrd e tri ad franc a 'l Totocalcio.

P'r a n èsar custrét a far di rigài a tut, Lino al fà finta 'd gnint lugànd la schedìna in un lìbar ma Parola al s fà avànti vlénd la sò part e anc a Walter a gh pâr 'd arcurdàr che la vìnsida al l'àppia fata lò.

Dòp avēr lasâ la schedìna da 'l nutàr Magalini (Eolo Capritti), Lino al decìd ad scapàr via insém a Parola andànd in Frància ma a 'l mut a gh vîṅ vója 'd farmàr-'s a 'l caśinò 'd Sanremo par tintàr la furtùna a 'l śōg druànd i bèsi dla vìnsida.

Culegamènt estéran