Assassinio sul Nilo

Da Wikipedia.

C'l artìcul chè 'l è scrit in Miranduléś Emiliàn

Death on the Nile
Assassinio sul Nilo

La Bette Davis in na figùra dal film
Masamènt in sal Nîl
1978
Regìa: John Guillermin
Scritōr: Agatha Christie • Anthony Shaffer
Atōr: Peter UstinovSimon MacCorkindale
David NivenMia FarrowOlivia Hussey
Bette DavisLois ChilesAngela Lansbury
Jane BirkinGeorge KennedyJon Finch
Maggie SmithJack WardenHarry Andrews
Müsica: Nino Rota • Jacob Gade
Léngua: IngléśFrancéśÀrabTedésc
Dürä dal film: 140 minüt
Nasiōṅ: Régn Unî


«
'L ùnic quèl ch'a pōl vgnir dòp “Masamènt” 'l è “Mòrt”.»
(Tagline dal film)


Assassinio sul Nilo (Masamènt in sal Nîl) 'l è 'n śal ingléś dal 1978 ad John Guillermin trat da 'l rumànś umònim dal 1937 dl'Agatha Christie. Cl'òpra chè l'à vins al Prèmi Òscar p'r i custùm e l'à fat sù da piò ad quatórdas migliòṅ ad dòlar in di sōi Stat Unî.

Sunt

La śōvna, bèla e rica Linnet Ridgeway (Lois Chiles) la spóśa dòp pôc tèmp ad fidansamènt al sò muróś buletàri Simon Doyle (Simon MacCorkindale) che prima 'd lē al stava cun la sò amìga dal cōr, la Jacqueline De Bellefort (Mia Farrow). Chi lē adès la n s dà minga paś e la gh tîṅ adrē durànt al viàś ad nòsi in Egìt par ruinàr-ag la fèsta. In sal batèl Karnak ch'al nàviga p'r al Nîl p'r un gir turìstic p'r al Necròpuli ad Giza, par la Sfinś e p'r i tèmpi 'd Abu Simbel e ad Karnak, i gh'èṅ anc:

  • Al detective Hercule Poirot (Peter Ustinov) e 'l sò amìg, al culunèl ingléś Johnny Race (David Niven);
  • La camaréra francéśa dla Linnet, la Louise Bourget (Jane Birkin);
  • La sgnōra americàna Marie Van Schuyler (Bette Davis), na vècia cun la pasiòṅ p'r i giujèi e la sò infarméra, la miss Bowers (Maggie Smith);
  • La scritōra ad rumànś róśa, l'imbariagòsa Salomè Otterbourne (Angela Lansbury), e sò fiōla Rosalie (Olivia Hussey);
  • Al śōvan James Ferguson (Jon Finch) ch'al dà sèmpar cónt'r a 'l capitalìśum;
  • 'L avucàt Andrew Pennington (George Kennedy) ch'al tîṅ adrē a gl'interès in fat ad bèsi dla Linnet;
  • Al dutōr śvìsar/tedésc Ludwig Bessner (Jack Warden).

Na sira la Jacqueline, dòp na litgàda ad geluśìa, la tira fóra da la burséta na pistòla e la spara a Simon ciapànd-'l in dla gamba. La miss Bowers la gh dà la śdòrmia dòp avér-la purtàda in dla sò cabìna mént'r al dutōr Bessner al juta Simon. Purtròp in cal sapèl lè la pistòla, butàda par tèra da la Jacqueline, la sparìs. La matìna dòp la Linnet la vèṅ catàda mòrta in dal sò lèt, cupàda c'n un cōlp a 'l pōls dla tèsta.

Culegamènt estéran