Pablo Puyol
|
C'l artìcul chè 'l è scrit in
Miranduléś |
Pablo Puyol Ledesma, cgnusû méj cuma Pablo Puyol (Màlaga, 26 ad Dicémbar dal 1975) 'l è 'n cantànt, un balarèṅ, un persunàǵ televiśìṿ e 'n atōr spagnōl.
Biugrafìa
Pablo, dòp avér studiâ a la scōla 'd art dramàtica ad Màlaga faghénd balét e cant, al taca a far di musical a teàtar cuma Grease, Rent e La bèla e la bèstia par pò lauràr in soquànti séri televiśìvi cuma Un paso adelante, faghénd al persunàǵ ad Pedro Salvador, e Los Serrano. A 'l inìsi di an Dumìla al rècita in soquànt curtumetràǵ e in dal film 20 centimetri in du al s inamóra dna transgender ciamàda Marieta.
In dal 2005 al fà vgnir fóra un disc dal gènar pop/dance da 'l tìtul Déjame dòp avér laurâ in dal grup UPA Dance cun di àtar mémbar 'd Un Paso Adelante.
In dal 2007 e in dal 2008 al rècita in àtar dū film, Chuecatown e Clandestinos, par pò turnàr a lauràr a teàtar in di spetàcui muśicài 40 (2009), Póker de voces (2012), Evil Dead (2012) ispirâ a 'l film ad scarésa La casa, e Venidos a Menos (2013).
In dal 2014 al fà l'imitasiòṅ ad Vanilla Ice in dla versiòṅ spagnōla dal prugràma Tale e Quale Show, Tu cara me suena. 'L an dòp al dvènta òṅ di persunàǵ fis dla traśmisiòṅ.
Discugrafìa
Àlbum
- 2005 - Déjame
Sìngui
- 2005 - Déjame
- 2007 - Sigue la luz
Filmugrafìa
- 2002 - Piedras, regìa ad Ramón Salazar
- 2002 - Courts mais Gay: Tome 3, regìa ad Philippe Becq, Colette Cullen, Jacques Descomps, Antonio Hens, Laurent Larivière, Frank Mosvold, François Ozon, Pierre Pinaud, Pascal-Alex Vincent e Andy Abrahams Wilson
- 2002 - Boys Briefs 2, regìa ad Barry Dignam, Antonio Hens, Jean-François Monette, Guillem Morales, Alexander Pfeuffer e Jeremy Podeswa
- 2003 - Tánger, regìa ad Juan Madrid
- 2005 - 20 centimetri (20 centímetros), regìa ad Ramón Salazar
- 2007 - Chuecatown, regìa ad Juan Flahn
- 2007 - Clandestinos, regìa 'd Antonio Hens
- 2008 - La conjura de El Escorial, regìa 'd Antonio del Real
- 2008 - Prime Time, regìa ad Luis Calvo Ramos
- 2010 - The Anguish, regìa ad Jordi Mesa Gonzalez
- 2012 - Gallino, the Chicken System, regìa ad Carlos Atanes