Śmē (urnamèint)

Da Wikipedia.
C'l artìcul chè 'l è scrit in Carpśàn Emiliàn
Un pèra 'd śmē atâc a 'n pulsèin ed camìśa.

I śmē gl'în dal sorti 'd ptòun mìa cuśî atâc a 'l vistî, mo invéci per só còunt, formê despès da dū plachèti 'd metâl tgnùdi strìchi da na cadnèina o anca 'n quèl 'd un pôc flesìbil da mêś. Al só còumpit 'l è quêl 'd tgnìr sulê i pulsèin 'd soquànti camìśi elegànti, sovertùt ed chi òm. Chi pulsèin chè i gh'àn in dal só du bandi pròpia du àśoli d'indû i du śmē i gh'àn da pasèr per tgnìr-i sòdi.

I śmē i àn tachê a gnìr druê in dl Otsèint, quand i pulsèin na quèlch vòlta tròp inamidê 'd soquànti camìśi i psìven èser sulê méj acsè piutôst che dala poca forsa 'd un ptòun nurmêl.

El du plachèti 'd fóra 'di śmē i vìnen tgnùdi in còunt per mèt'r-egh un pò 'd elegànsa e soquànti vòlti egl' în presióśi e anca dorèdi, o diferèint, a s pól catèr-'gh incîśi in sìma dagli inisièli 'd nòm o dal sìghli 'd un cleb 'd apartenèinsa.

Vóś lighèdi

Èter progêt

Colegamèint estèren