Ôr

Da Wikipedia.
(Reindirizzamento da Òr)
C'l artìcul chè 'l è scrit in Carpśàn Emiliàn
Òr catê acsè cum 'l ē in Venesuéla.


L' ôr 'l è 'n elemèint chìmic ed metâl col sìmbol Au, nùmer atômic 79 e pēś atòmic 196,9. 'L òr 'l è śàl, lusèint, tender, e 'l s cata in dl ambìnt, pûr o dèint'r a soquànt minerē.

Al fà pèrt dla famìja di metâl nòbil, ch'i gh'àn n'élta reśistèinsa ala corośiòun e gl'ìn dimòndi stàbil in dla Chìmica. L'ôr 'l è druê in oreficerìa, in odontoiatrìa, per custruìr dal pròteś pr'i dèint e in eletrònica, perchè l'è 'n bonìsìm condutōr.

Incòri al s drôva lighê a di èter metâl in soquànti lighi per dvintèr più robùst.

La purèsa dal lighi dl ôr la s ciàma coi carêt, ch'i s diśen quanti pêrt 'd ôr pûr a gh'è in 24 pêrt ed lega. In cla manéra chè l'ôr a 24 carêt 'l è al più pûr, mèinter che, pr'eśèimpi, 'n ôr a 20 carêt al gh'arà 20 pêrt 'd ôr e invéci 4 pêrt 'd 'n èter metâl.