Uncinèt

Da Wikipedia.
C'l artìcul chè 'l è scrit in Carpśàn Emiliàn
'N uncinèt mèinter ch' al lavóra na cadnèla
Na sèsta cun pugê soquànt lavór, gumìtul e uncinèt

'L uncinèt 'l è cl' atrès ed metâl u 'd plâstica u 'd lègn a fórma 'd stanghèta mìa tròp lunga (20 cm.), cun 'n unsèin cìc da un cô e na plachèta cìca in dal mèś per tgnìrel sòdi méj, ch' al servìs per custruìr dla cadèina (u cadnèla) 'd filê, tulènd sèimper al fîl per pasèrel dèintr' a l' àśola 'd al punt apèina custruî; a la stèsa manéra a s pōl custruìr i punt piò laburê e tōr sù dal pèsi unifórmi ed punt bàs u 'd punt élt, sèimper druènd i pasàģ 'dl ùnic fîl a travèrs ùna u piò àśoli apèina custruìdi: a s egh la chèva 'd custruìr, a cla manéra chè, dal sièrpi u dal cuèrti; druènd e mitènd insèm, secònd di prugèt cêr in dla tèsta, i diferèint punt, a s pōl tirèr sù dal preśèini, di pìs, di fisù, u anca di acesòri urnamentē 'd soquànti fórmi diferèinti.

Vôś lighèdi

Culegamèint estèren