Trèsa

Da Wikipedia.
C'l artìcul chè 'l è scrit in Carpśàn Emiliàn
Soquànti qualitê 'd tresamèint
Na pitùra dl Albert Anker ed fin Otsèint cun na ragasóla ch'la s trèsa i cavî

La trèsa l'è 'n tîp 'd arvujamèint a tresadùra ed fil o anca 'd cordi o anca 'd bandi 'd cavî (c'ma petnadùra) cgnusùda fin da di tèimp dimòndi antìg, c'm'a s capìs da soquànt catamèint archiulògic e da soquànti pitùri dl'antichitê. Cun la tresadùra dla pàja e di trùciol dal lègn a-j-òm vìst fin ch'a nn'è mia tant, fabrichèr i capē 'd pàja druê dai noster nôn e dai cuntadèin in di camp, per stèr cuacê mo anca frèsc in custéra, fabrichèr di sèst, acsè pràtic per purtèr ded sà e ded là di quêl; al dè 'd incō a s trèsa incòri dla paja in soquànti rifinisiòun del scrani e di mubìli in dal stîl coloniêl.

La trèsa l'è anca 'n tîp ed cunfesiunamèint tèsil ch'l è diferèint dala tesidûra. A trèsa a s pól custruìr anca di curdàm e di rivestimèint eletrotècnic.

Tecnicamèint la trèsa la irobustìs, elastiśènd-i, i filê ch'a s è drē a tèser.

Vóś lighèdi

Manéri 'd dir

  • (EGL) Al sà fèr sōl dla trèsa da trī (cô), (IT) Riesce solo a fare della treccia da tre (capi); (fig.) è una persona con poche capacità.

Èter progêt

Colegamèint estèren