Lolita

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Lolita
Lolita.png
La Sue Lyon in na figùra dal film
id.
1962
Regia: Stanley Kubrick
Scritùr: Vladimir Vladimirovič Nabokov
Atùr: James MasonShelley WintersSue LyonPeter Sellers
Diana DeckerJerry StovinSuzanne GibbsLois Maxwell
Müsica: Nelson Riddle
Dürä dal film: 153 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
Cum è'l mai stâ pusìbil purtàr-'l a cumpimènt?»
(Tagline dal film)


Lolita (id.) 'l è 'n film dramàtic americàṅ e britànic dal 1962 ad Stanley Kubrick trat da 'l rumànś umònim ad Vladimir Vladimirovič Nabokov. 'L è stâ giâ in biànc e négar.

Custâ dū migliòṅ ad dòlar a 'l incìrca, la pelìcula la 'n à pò purtâ a cà nóṿ e dū.

Sunt

La Dolores Haze (Sue Lyon) dita Lolita, na śóvna ragasōla americàna ch'la viṿ insém a sò màdar Charlotte (Shelley Winters) armàśa védva, la s mét insém a 'l prufesōr Humbert Humbert (James Mason), in di Stat Unî da l'Europa par na série ad cunferénsi. Chi lò al l'à cgnusùda in dal méntar ch'al pascàva un pòst in du stâr.

P'r amàgnar sèg, 'l óm al decìd ad stablìr-'s in dal New Hampshire spuśànd la Charlotte cun l'idéa pò ad cupàr-la ma, prima ad far qvél ch'al gh'iva in mènt, al gh dà a muć. A sucéd però che lē la mōr dabòṅ in n'atra manéra, finénd sóta na màchina, e acsè Humbert al pōl gòd'r-as la Lolita tut da par lò. La ragàsa però la s fiàca prèst 'd 'n óm ch'al prév èsar sò pàdar e ch'al gh'è sèmp'r adòs, e la và via 'd cà tacànd a 'ndàr a drē a Clare Quilty (Peter Sellers), scritōr ad cumèdi. Dòp quàt'r an, Humbert al gh'à la manéra ad véd'r incóra la Lolita ch'l'è drē a spetàr un putèṅ, esénd a 'l sèst méś, da 'n ragasōl grand cuma lē dvintâ in cal méntar anc sò marè. Al prufesōr al decìd acsè ad masàr Clare Quilty parchè, a sò dita, al gh'iva ruinâ la vita purtànd-ag via la Lolita.

Culegamènt estéran