L'oasi degli zombi
|
C'l artìcul chè 'l è scrit in
Miranduléś |
 La tumba de los muertos vivientes
| ||
| L'oasi degli zombi | ||
 Òṅ di śómbi naśìsta in na figùra dal film | ||
| L'òaśi di śómbi 1981 | ||
|---|---|---|
| Regìa: Jesús Franco | ||
| Scritōr: Jesús Franco • Ramón Llidó | ||
| Atōr: Manuel Gélin • Doris Regina • Javier Maiza Antonio Mayans • Henri Lambert • France Lomay Eduardo Fajardo • Lina Romay • Eric Viellard | ||
| Müsica: Jesús Franco • Daniel White | ||
| Léngua: Francéś • Spagnōl | ||
| Dürä dal film: 82 minüt | ||
| Nasiōṅ: Frància • Spaggna | ||
L'oasi degli zombi (L'òaśi di śómbi) 'l è 'n film ad scarésa dal 1981 ad Jesús Franco, girâ druànd al pseudònim 'd “A.M. Frank”, ch'al 'l à anc scrit insém a Ramón Llidó e muśicâ.
'L è cgnusû anc c'n i tìtul ad “El desierto de los zombies” in Spaggna, “L'abîme des morts vivants” e “Le trésor des morts vivants” in Frància, “Oásis dos Zumbis” in Braśìl, “Der Abgrund der lebenden Toten” in Germâgna e “Bloodsucking Nazi Zombies” in di Stat Unî.
Sunt
Al culunèl Kurt Meitzell (Henri Lambert) al vōl mét'r al sò maṅ su 'l teśòr che durànt la secónda guèra mundiàla i naśìsta dal generàł Erwin Rommel i ìvan lugâ in dal deśèrt lìbic. Par cal mutìṿ chè al s fà dir da 'l capitàṅ Blabert (Javier Maiza) al pòst in du 'l i iva cumbatû, n'òaśi in du 'l è fàcil ch'a gh sia saplî 'l òr di tedésc. Dòp avér abû la mapa, al culunèl 'l al masa par tgnir-as tut lò invéci ch'ad spartìr-al secónd i pat.
La nutìsia dla mòrt dal capitàṅ a riva anc in dal Régn Unî in dua a stùdia sò fiōl Robert (Manuel Gélin). Chi lò al lèś di sò diàri e al vèṅ a savēr che sò pàdar 'l iva abû na stòria 'd amōr cun la surèla dal sieìc Mohamed Al-Kafir (Antonio Mayans), l’Aisha (Doris Regina), pò mòrta in dal parturìr al sò putèṅ. Robert al lèś anc dla nutìsia dal teśòr dal Tèrs Reich e al decìd ad partìr p'r andàr-'l a catàr insém a di sò cumpàgn ad scóla, Ronald (Eric Viellard), Ahmed (Miguel Ángel Aristu) e la Sylvie (Caroline Audret).
In cal mént'r al grup ad Meitzell al patìs 'l atàc ad soquànt suldâ tedésc śómbi, vgnû fóra da la sàbia, ch'i i cópan tut a part lò che però al vèṅ murśgâ abàsta tant 'd avér-'g un pē più da 'd là che da 'd chè. Al grup di studènt, insém a na ragàsa cgnusùda lè, l’Erika (France Lomay), e a 'l prufesōr Deniken (Albino Graziani), i al vaṅ a catàr in un vilàǵ lè davśèṅ par far-as dir in du l'è cl'òaśi là ma 'l óm, prima 'd murìr, al diś 'd n andàr-ag mia parchè l'è maladìda. Al grup al và a dascór'r alóra c'n al sieìc e Robert al vèṅ a savēr 'd èsar lò al fiōl dl’Aisha. Al dè dòp al grup al partìs par l'òaśi: Robert al vōl véd'r i pòst in dua sò pàdar 'l iva cumbatû méntar Ronald al pénsa sōl a i bèsi e anc a l’Erika parchè in cal mént'r i s èṅ mis insém. Rivâ a destinasiòṅ, méntar chi lōr dū i gùs'n in dla ténda, i śómbi i sàlt'n adòs a Ahmed ma pò 'l è la vòlta anc ad tut chi àtar.