Cruàta

Da Wikipedia.
C'l artìcul chè 'l è scrit in Carpśàn Emiliàn
Na cruàta 'dl istê

La cruàta (it. cravatta) l' è 'n acesóri elegànt dal vestimèint 'd i òm chè in dl' Osidèint, a fórma 'd banda lunga e sutìla, che dintór'n al còl, la pasa sòt' al gulèt 'dla camìśa e dòp 'd al só nōd 'laburê, la va śò quacènd i ptòun 'dla camìśa infìn a 'rivèr a l' altèsa 'd la sintùra.

La lunghèsa dal cruàti l' è quèśi sèimper ed 150 cm, mo se 'l òm 'l è dimòndi élt, u 'l vól arvujèr al nōd piò e piò vòlti (cunsùm in dla lunghèsa 'd la stòfa), a pól èsregh biśògn 'd na cruàta piò lunga, cùma 'd 165 cm. El varietè 'di disègn u di culór 'dla stòfa i pól'n ès'r infinìdi, mo necesariamèint i disègn 'l è méj ch' i sìen cichìṅ, vìsta l' àrea cichìna purtèda vìa da la cruàta.

Al nōd nurmèl ch' a s fa in dal cruàti 'l è a 4 gîr, mo vlènd a s pól fèregh'n anca 6, 7, 8 u 9 gîr (per 'n aspèt stravagànt).

La manéra dal nōd a 4 gîr

D' in dû 'l deśvìn al só nòm

Na spéci tradisiunèla 'd cruàta l' éra druèda da soquànt suldê cruêt (hrvat) chi cumbatìven in dl eśèrcit francéś sòta Luì XIII in dal diciasetèś'm sècul. Al gùst p'r al druamèint ed cla cruàta chè al rivarà infìn al re Luì XIV, al re Sōl, e 'l nòm da sièrpa cruàta ciuè 'di cruêt al dvintarà sól cruàta.

Ligàm a fōra