Al ritōren ed Don Camél (félm)
Artécol in dialèt arzân 
Al ritōren ed Don Camél (Il ritorno di Don Camillo in italiân) l’é félm dal 1953, dirèt dal regésta Julien Duvivier.
Indice |
[modifica] La stòria
Don Camél, in sègvit a i fât arcuntê ind al finêl dal félm préma, l’é ṣluntanê da la só parôchia ed Bresèl per punisiòun. Per pinsêr insém a i sō erôr, l’é spidî dòunca in un paèiṣ luntân dimòndi ed nòm Montenara, abandunê in méz al muntâgni, in dó ‘gh rîva cun fadîga e da per ló, per catêregh tra l’êter un abiĵnt frèd e gnînt aculiĵnt.
A Bresèl la véta la cunténva, mó sèinsa Don Camél l’ istès Pepòun, só aversâri giurê, an gh’l’à chêva mìa a gnîr fôra da i problēma grând e céch: al nōv prēt zôven, sostitût pruviṣôri ed Don Camél, tra l’êter, an sèmbra mìa deciṣ a vrèir colaborêr!
Luntân da l’èser un tranquèl pastōr, al srà prôpria al ritōren ed Don Camél a arpurtêr la cuncôrdia e la sperânsa int al paèiṣ, dōve, cun al machêr ed Don Camél, j aversâri d sèimper ris’cêven de dvintêr nemîgh acanî .
[modifica] Curiositê
- L'ispirasiòun per "Al ritōren ed Don Camél" al vîn in grân pêrt dal capétol intitulê: Storie dell'esilio e del ritorno, e da i racûnt Arrivi dalla città, La lettera e Il pellerossa, tót int al léber Don Camél e i sō fedēl dal (1953) scrét da Giovannino Guareschi.
- J intêren ed la cêṣa în realtê in un teâter pr’ al cinéma.
- La regía l’é ed nōv firmêda da Julien Duvivier, avtōr dal prém capétol ed la stòria.
- L’é un lavōr cgnusû che i pôst in dōv' în stê girê i sînch félm în préma ed tót Bresèl e Burèt, l'é aşvèin in pruvîncia ed Rèz . Mēno cgnusû l’é che soquânt "estêren" ed la sèria în stê ambijntê ânch dimòndi luntân di sôlit dintōren ed Pèrma o Rèz. Per fêr ‘n eşèmpi, al paeṣèin ed montâgna (Montenara) in dó Don Camél al vîn mandê in eşéli a l'inési de sté félm, an n’é êter che Rocca di Cambio (AQ) in Abróz, sistemê a 1434 mêter insém al livèl dal mêr (al cmûn pió êlt ed l'Apenèin!).
[modifica] J atōr
- Fernandel: Don Camél
- Gino Cervi: Giuseppe Bottazzi (Pepòun)
- Edouard Delmont: Al dutōr Spiletti
- Paolo Stoppa: Marchetti
- Alexandre Rignault: Franceso Gallini (Nîgher)
- Thomy Bourdelle: Cagnôla
- Tony Jacquot: Don Pietro
- Charles Vissière: Al vèschev
- Claudy Chapeland: Beppo Bottazzi
- Leda Gloria: La sgnōra Bottazzi
- Saro Urzì: Brósch, al barbêr
- Miranda Campa: La sgnōra Spiletti
- Ruggero Ruggeri: Gesù (vōṣ)
- Marco Tulli: Al Smîls
- Emilio Cigoli: Vōṣ cla cûnta
[modifica] Chiêter ed la sèria
- Don Camél, 1952;
- Don Camél e l'onorèvol Pepòun, 1955;
- Don Camél munsgnōr... mó mìa trôp, 1961;
- Al compâgn Don Camél , 1965.
