Voglia di ricominciare

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg This Boy's Life
Voglia di ricominciare
Voglia di ricominciare.png
Di Caprio e De Niro in na figùra dal film
Vója 'd tacàr incóra
1993
Regia: Michael Caton-Jones
Scritùr: Tobias Wolff • Robert Getchell
Atùr: Leonardo DiCaprioRobert De Niro
Ellen BarkinJonah BlechmanEliza Dushku
Chris CooperTobey MaguireZachary Ansley
Kathy KinneyCarla GuginoRobert Zameroski
Müsica: Carter Burwell
Lengua: Ingléś
Dürä dal film: 115 minüt
Nasiòṅ: Stat Unî


«
Al parìva 'n marè ideàł. Al parìva 'n pàdar parfèt. 'L éra pròpria qvél ch'a gh sarvìva. Ma 'l n è mia qvél ch'i aṅ catâ.»
(Tagline dal film)


Voglia di ricominciare (Vója 'd tacàr incóra) 'l è 'n film dramàtic dal 1993 ad Michael Caton-Jones trat da 'n rumànś ad Tobias Wolff ch'al cònta la sò vita.

Al film 'l à muciâ sù quàtar migliòṅ ad dòlar a 'l incìrca.

Sunt

In di an Sinquànta, la Caroline Wolff Hansen (Ellen Barkin), na dóna śóvna e divursiàda, la gh'à da tiràr sù al sò baghét Tobias (Leonardo DiCaprio) pruànd a far-as na vita nóva spatinànd in n'atra sità, lasànd 'l Utah par Seattle. C'l àtar sò fiōl invéci al viṿ cun sò marè da cl'atra banda dal paéś, in sla còsta est dal New Jersey e al studia a l'università ad Princeton.

Tobias, lasâ da par lò, al patìs na vita difìcila, tacànd a fumàr e a dir dal parulàsi anc parchè al và in gir insém a di pôc ad bòṅ.

Sprand ad dar un pàdar nóṿ a sò fiōl, la Caroline la sa spóśa cun Dwight Hansen (Robert De Niro), 'n óm viulènt e narvóś ch'al sòna al sax, ch'al n pèrd minga ucaśiòṅ par mulàr di marùc a 'l ragasōl p'r insgnàr-ag a star a 'l mónd. In cal méntar chi lò al dvénta amìg cun un sò cumpàgn ad scóla cun di prubléma anca lò, al fnòć Arthur Gayle (Jonah Blechman).

Tobias al s mét in tèsta 'd andàr a star da sò fradèl e par far qvést chè al próa a vìnsar na bórsa ad studi ma i sò vōt i èṅ tròp bas par purtàr-la a cà. Al decìd acsè ad trucàr-i faghénd-as jutàr da Arthur.

Culegamènt estéran