Virginie Ledoyen
|
C'l artìcul chè 'l è scrit in
Miranduléś |
La Virginie Fernández, cgnusùda méj c'n al nóm 'd art ad Virginie Ledoyen (Parì, 15 ad Nuvémbar dal 1976), 'l è n'atóra francéśa.
Biugrafìa
Fiōla dna famìja ad restauradōr 'd Aubervilliers, fiṅ da pìcula (dū an) la fà la mudèla tulénd in séguit al cugnóm ad "Ledoyen", ch'l éra quél ad sò nunóna da puta par part ad màdar e lasànd lè quél ad Fernández (ch'al daśvgnìva da sò nunóṅ uriginàri dla Spaggna).
La fà 'l sò debùt a 'l cìnema a und'ś an in dal film itagliàṅ L'iniziazione ad Gianfranco Mingozzi e pò in dal 1991 la lavóra insém a Marcello Mastroianni e a l'Ángela Molina in dla pelìcula Il ladro di ragazzi.
In dal 1995 la vèṅ numinàda p'r al Prèmi César (i Òscar francéś) par la sò part in dal film La Fille seule e la gira un film par Claude Chabrol, Il buio nella mente, in dua l'è la fiōla bòna 'd 'n industriàŀ. In dal 1999 la fà dla reclàm par la marca ad cuśmètic ad L'Oréal pò 'l an dòp la gira insém a Leonardo Di Caprio al film The Beach ad Danny Boyle e la s fà acsè cgnósar dimóndi a livèl internasiunàŀ.
Dū an dòp la vèṅ sarnìda par François Ozon par far la Suzon in dal sò film 8 donne e un mistero e lè la gh'à manéra ad lauràr insém a Catherine Deneuve, Fanny Ardant, Isabelle Huppert e Emmanuelle Béart, vinsénd anc 'l Órs 'd Argènt a 'l Festival ad Berlîṅ cuma atóra più brava.
In dal 2004 la gira un śal, Saint Ange e pò di àtar film in di an seguènt cuma 'l thriller The Backwoods - Prigionieri nel bosco dal 2006 e la cumèdia Solo un bacio per favore dal 2007.
Al 29 ad Setémbar l'è dvintàda màdar ad Lila, la sò prima fiōla, e pò 'd Isaac, fiōl abû in dal Luj dal 2010 dal sò cumpàgn, 'l atōr franco-maruchèṅ Arié Elmaleh.
In dal sò caréra l'à laurâ da spés anc par la televiśiòṅ, girànd di lavōr cuma L'Eau froide 'd Olivier Assayas o I Miśerabìi (2000).
Filmugrafìa
- 1987 - L'iniziazione (Les exploits d'un jeune Don Juan), regìa ad Gianfranco Mingozzi
- 1991 - Lo más natural, regìa dla Josefina Molina
- 1991 - Il ladro di ragazzi (Le voleur d'enfants), regìa ad Christian de Chalonge
- 1991 - Mima, regìa dla Philomène Esposito
- 1993 - Les Marmottes, regìa 'd Élie Chouraqui
- 1994 - La Folie douce, regìa ad Frédéric Jardin
- 1994 - L'eau froide, regìa 'd Olivier Assayas
- 1995 - La Fille seule, regìa ad Benoît Jacquot
- 1995 - Il buio nella mente (La Cérémonie), regìa ad Claude Chabrol
- 1995 - Les Sensuels, regìa ad Michel Marx - Film TV
- 1996 - Mahjong, regìa 'd Edward Yang
- 1997 - Ma 6-T va crack-er, regìa ad Jean-François Richet
- 1997 - Héroïnes, regìa ad Gérard Krawczyk
- 1997 - Marianne, regìa ad Benoît Jacquot
- 1998 - Jeanne et le garçon formidable, regìa 'd Olivier Ducastel e 'd Jacques Martineau
- 1998 - La figlia di un soldato non piange mai (1998), regìa ad James Ivory
- 1998 - Fin août, début septembre, regìa 'd Olivier Assayas
- 1998 - La cliente (En plein coeur), regìa ad Pierre Jolivet
- 2000 - The Beach, regìa ad Danny Boyle
- 2001 - De l'amour, regìa ad Jean-François Richet
- 2002 - 8 donne e un mistero (8 Femmes) , regìa ad François Ozon
- 2003 - Pistole nude (Mais qui a tué Pamela Rose?), regìa 'd Eric Lartigau
- 2003 - Bon voyage, regìa ad Jean-Paul Rappeneau
- 2004 - Saint Ange, regìa ad Pascal Laugier
- 2006 - Holly, regìa ad Guy Moshe
- 2006 - Una top model nel mio letto (La doublure), regìa ad Francis Veber
- 2006 - The Backwoods - Prigionieri nel bosco, regìa ad Koldo Serra
- 2007 - Solo un bacio per favore (Un baiser, s'il vous plait), regìa 'd Emmanuel Moret
- 2008 - Mes amis, mes amours, regìa dla Lorraine Lévy
- 2008 - Il rompiballe (L'Emmerdeur), regìa ad Francis Veber
- 2009 - L'Armée du crime, regìa ad Robert Guédiguian
- 2010 - Tout ce qui brille, regìa 'd Hervé Mimran e dla Géraldine Nakache
- 2012 - Les Adieux à la Reine, regìa ad Benoît Jacquot
- 2013 - Une autre vie, regìa 'd Emmanuel Mouret
- 2013 - À votre bon cœur, mesdames, regìa ad Jean-Pierre Mocky
- 2014 - Ablations, regìa 'd Arnold de Parscau
- 2014 - Le Monde de Fred, regìa dla Valérie Müller
- 2015 - Enragés, regìa 'd Éric Hannezo