Virginia Raffaele
|
C'l artìcul chè 'l è scrit in
Miranduléś |
La Virginia Raffaele (Róma, 27 ad Setémbar dal 1980, a s lèś [virˈdʒiːnja raffaˈɛle] in itagliàṅ) l'è n'imitadōra, còmiga, atōra e cundutōra itagliàna.
Biugrafìa
Diplumàda a l’Acadèmia Teatràla Européa, dòp avēr studiâ dansa clàsica e mudèrna, la Raffaele la taca a lauràr in dal mónd dal spetàcul in dal 2001 faghénd part dal trio còmig Due interi e un ridotto. In séguit la lavóra cun Max Tortora e a teàtar insém a Lillo & Greg, pò la pasa a 'l fiction televiśìvi girànd Compagni di scuola, Incantesimo, Carabinieri e Il maresciallo Rocca.
In dal 2009, tulénd part a 'l prugràma Mai Dire Grande Fratello Show, la taca a far dgl'imitasiòṅ cuma qvéli dla Malika Ayane e dla Giusy Ferreri. 'L an dòp la pasa a Quelli che il calcio e la taca a tōr in gir di àtar persunàǵ cuma la Roberta Bruzzone, la Federica Pellegrini e l'Eleonora Brigliadori. Fra 'l vitmi più cgnusùdi dal sò repertòri a 'rcurdém anc la Belén Rodríguez, la Bianca Berlinguer, la Sabrina Ferilli, la Carla Fracci, la Fiorella Mannoia, la Sandra Milo, la Nicole Minetti, la Donatella Versace e la Melania Trump.
Filmugrafìa
- 2004 - Ladri di barzellette, regìa ad Bruno Colella e 'd Leonardo Giuliano
- 2005 - Romanzo criminale, regìa ad Michele Placido
- 2007 - Lillo e Greg - The movie!, regìa ad Luca Rea
- 2011 - Faccio un salto all'Avana, regìa ad Dario Baldi
- 2011 - Cara, ti amo..., regìa ad Gian Paolo Vallati
- 2012 - Com'è bello far l'amore, regìa ad Fausto Brizzi
- 2013 - L'ultima ruota del carro, regìa ad Giovanni Veronesi
- 2014 - Una donna per amica, regìa ad Giovanni Veronesi