Com'è bello far l'amore
|
C'l artìcul chè 'l è scrit in
Miranduléś |
 Com'è bello far l'amore
| ||
 La Gerini e Filippo Timi in na figùra dal film | ||
| Cum 'l è bèl far 'l amōr 2012 | ||
|---|---|---|
| Regìa: Fausto Brizzi | ||
| Scritōr: Andrea Agnello Fausto Brizzi • Marco Martani | ||
| Atōr: Fabio De Luigi • Franco Trentalance Claudia Gerini • Filippo Timi • Virginia Raffaele Giorgia Würth • Eleonora Bolla • Margherita Buy Alessandro Sperduti • Michela Andreozzi Michele Foresta • Gioia Vicari • Gledis Cinque | ||
| Müsica: Bruno Zambrini | ||
| Léngua: Itagliàṅ • Francés • Inglés | ||
| Dürä dal film: 97 minüt | ||
Com'è bello far l'amore (Cum 'l è bèl far 'l amōr) 'l è na cumèdia itagliàna dal 2012 ad Fausto Brizzi c'n i camèo dla Margherita Buy, ad Franco Trentalance, ad Lillo Petrolo, dal sesuòlug Marco Rossi, 'd Enzo Salvi e dal śmèli Laura e Silvia Squizzato.
In dla culòna sunóra dal film i s càtan di pès dla Raffaella Carrà (Tanti auguri), dla Patty Pravo (Com'è bello far l'amore), ad Paul Young (Love Is In The Air) e 'd Richard Sanderson (Reality).
Sunt
Andrea (Fabio De Luigi) e la Giulia (Claudia Gerini) i èṅ spuśâ da soquànt an e i gh'aṅ un ragàs ad daśdòt an ciamâ Simone (Alessandro Sperduti). Chi lōr dū, a difarénsa dal sò amìg Claudio (Michele Foresta), i gh'aṅ un prubléma ch'i s èṅ ardùt a ciulàr pôc.
Un dè a riva da l'Amèrica, par star sèg p'r un pôc, un vèć amìg da i tèmp dla scōla dla Giulia, un tisi ch'al lavóra in dal mónd dal pòran in Califòrgna ciamâ Max Lamberti (Filippo Timi) cgnusû c'n al nóm 'd art ad Max Twenty-Five. La dóna di fat, la Juanita (Virginia Raffaele), la gh buta subìt i òć adòs mént'r Andrea al taca a èsar gelóś.
La Giulia, par risòlv'r i sò prubléma a lèt, la decìd ad tōr-as śò cun na telecàmera méntar la gusa acsè da psēr dmandàr di cunsìli a Max.