Malika Ayane

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
Perché non vieni su da me, saremo soli io e te, ti posso offrire un caffè, in fondo che male c'è. Ma cosa hai messo nel caffè che ho bevuto su da te? C'è qualche cosa di diverso adesso in me; se c'è un veleno morirò, ma sarà dolce accanto a te perchè l'amore che non c'era adesso c'è.»
(IT)(Cosa hai messo nel caffè?, 2012)
«
Parcòsa n vîṅ-at mia sù da mè, a sarém da par nuàtar mè e tè, a t pòs śibìr un cafè, in fónd cuś a gh'è 'd mâl. Ma cuś à't mis in dal cafè ch'a-j-ò bvû sù da tè? A gh'è quèl ad difarènt adès in mè; s'a gh'è dal vlèṅ a murirò, ma a sarà dōls davśèṅ a tè parchè 'l amōr ch'a n gh'éra briśa adès al gh'è.»
(MUD)


La Malika Ayane tòlta śò in dal 2008
La milanéśa durànt un cuncèrt dal 2009
L'Ayane c'n i cavìi biónd in dal 2012

La Malika Ayane (Milàṅ, 31 ad Śnar dal 1984, a s lèś /ma'li:ka a'jan/) l'è na cantànta itagliàna fiōla ad pàdar maruchèṅ e màd'r itagliàna.

L'à tòlt part par tri vòlti a 'l Fèstival ad Sanrémo, la prima in dal 2009 in dla sesiòṅ di "Śóvan" e pò anc in dal 2010 e in dal 2013 fra i "Big". L'à fat vgnir fóra tri àlbum, dū i èṅ dvintâ disc ad plàtin e òṅ 'd òr.

La gh'à na fiōla ciamàda Mia abùda da śóvna a vint-i-òṅ an da 'l sò prim marè. Par 'n an da 'l 2009 l'è stada ligàda a 'l cantànt bulgnéś Cesare Cremonini par pò mét'r-as cun Federico Brugia ch'l'à spuśâ in dal 2011.

Discugrafìa

Àlbum

  • 2008 - Malika Ayane
  • 2010 - Grovigli
  • 2012 - Ricreazione

Sìngui

  • 2008 - Sospesa (insém a Pacifico)
  • 2008 - Feeling Better
  • 2009 - Come foglie
  • 2009 - Verrà l'estate (insém a Pacifico)
  • 2009 - Contro vento
  • 2010 - La prima cosa bella
  • 2010 - Ricomincio da qui
  • 2010 - Satisfy My Soul
  • 2010 - Hello! (insém a Cesare Cremonini)
  • 2010 - Thoughts and Clouds
  • 2011 - Il giorno in più
  • 2012 - L'unica cosa che resta (insém a Pacifico)
  • 2012 - Tre cose
  • 2012 - Il tempo non inganna
  • 2013 - E se poi
  • 2013 - Niente
  • 2013 - Cosa hai messo nel caffè?
  • 2013 - Neve casomai (un amore straordinario)

Culegamènt estéran