Viaggio nel buio
|
C'l artìcul chè 'l è scrit in
Miranduléś |
 Deadly Betrayal:The Bruce Curtis Story | ||
| Viaggio nel buio | ||
 Simon Reynolds in na figùra dal film | ||
| Viàś in dal scûr 1991 | ||
|---|---|---|
| Regìa: Graeme Campbell | ||
| Scritōr: Keith Ross Leckie | ||
| Atōr: Simon Reynolds • John Kapelos • Bruce Boa Jaimz Woolvett • Kenneth Welsh • Clare Coulter Dawn Greenhalgh • Richard Donat • Raquel Duffy | ||
| Müsica: Louis Natale • Mike Palozzi | ||
| Léngua: Ingléś | ||
| Dürä dal film: 93 minüt | ||
| Nasiōṅ: Cànada | ||
Viaggio nel buio (Viàś in dal scûr), cgnusû in Itàglia anc c'n al tìtul ad Per vincere o morire, 'l è 'n film dramàtic canadéś dal 1991 ad Graeme Campbell girâ par la televiśiòṅ, vinsidōr ad siē „Prèmi Gemini Awards“.
Al cònta di fat sucès dabòṅ.
Sunt
In dla nòt dal 5 ad Luj dal 1982 al śōvan Bruce Curtis (Simon Reynolds), ch'al s pasa 'l tèmp scrivénd dal puéśii, e 'l sò amìg Scott Franz (Jaimz Woolvett) i dascàrgan dū cadàv'r in un pòst ad campàggna dla Pennsylvania. A s trata di genitōr ad Scott, la Rosemary (Dawn Greenhalgh) e 'd sò marè Al Podgis (Bruce Boa) che la dóna l'iva spuśâ dòp la mòrt dal sò prim marè.
Sinc dè dòp i dū ragàs i èṅ arestâ a Dàllas. Dòp èsar stâ mis in parśòṅ, da 'l Cànada i rìv'n i parènt ad Bruce, sò pàdar Jim (Richard Donat), sò mujēr Alice (Clare Coulter) e sò sîna Lorraine (Nicola Lipman), che però i n gh'aṅ briśa i bèsi dla causiòṅ. 'L avucàt Michael Schottland (Kenneth Welsh) al tōś la sò diféśa.
Al ragàs al cònta a 'l sò difensōr ch'i sò genitōr, uriginàri dla Scòsia Nóva, i 'l ìvan mandâ a studiàr in un culéǵ americàṅ in du 'l à cgnusû Scott dvintànd sò amìg. Chi lò però al gh'à sèmpar cuntâ dal bali faghénd-ag crédar che la sò famìja la fus pîna 'd bèsi. Dòp avēr bandunâ l'università, Scott 'l iva invidâ Bruce a cà sua par na vacànsa 'd dū dè mo p'r al canadéś a s è tratâ 'd 'n infèran parchè Podgis e Scott i n fàv'n àtar che litgàr-as sèmpar in fiṅ tant che chi lò, par vindicàr-'s ad tut al cativèri patìdi, 'l iva decìś ad cupàr al sò pàd'r adutìṿ. Sinténd al stus dal sćiòp, a Bruce a gh partìs un cōlp anc a lò p'r al spaj e par na daśgràsia a mōr anc la Rosemary. I dū i finìs'n a prucès.