Vacanze di sangue

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Vacanze di sangue
Vacànsi 'd sangṿ
Vacanze di sangue.png
Lemme e la Brittany Daniel in na figùra dal film
Vacànsi 'd sangṿ
2004
Regia: Jay Chandrasekhar
Scritùr: Jay Chandrasekhar • Kevin Heffernan
Steve Lemme • Paul Soter • Erik Stolhanske
Atùr: Brittany DanielJay Chandrasekhar
Paul SoterBill PaxtonDan Montgomery Jr.
Michael YurchakSteve LemmeLindsay Price
Kevin HeffernanM.C. GaineyErik Stolhanske
Müsica: Nathan Barr
Lengua: Ingléś
Dürä dal film: 104 minüt
Nasiòṅ: Stat Unî


«
Na vacànsa da murìr.»
(Tagline dal film)


Vacanze di sangue (Vacànsi 'd sangṿ) 'l è 'n film ad scarésa americàṅ dal 2004 ad Jay Chandrasekhar.

La pelìcula, giràda in Mèsic e custàda òt migliòṅ e siē 'd dòlar, l'è stada scrita p'r al grup còmig di Broken Lizard, gl'aṿtōr ad Super Troopers.

Sunt

L’Ìśula dal piaśēr 'l è 'n pòst a 'l lârg dal còsti dla Còsta Rica in du 'n muśicìsta famóś, Coconut Pete (Bill Paxton), 'l à vèrt un vilàǵ turìstic. Tri mémbar d'l animasiòṅ, Rolo (Dan Montgomery Jr.), la Stacy (Elena Lyons), e la Kellie (Tanja Reichert) i s lōg'n in dal bòsc par gusàr ma na figùra cun na mascra adòs e c'n un machete in maṅ al i cópa.

I àtar ragàs dal persunàł i n fàn'n a mènt a gnint in fiṅ tant ch'a salta fóra 'l cadàv'r ad Carlos (Julio Bekhor) in cuśìna. Dave (Paul Soter) al cònta che na vòlta 'n èx dipendènt dla strutùra, dòp èsar dvintâ mat e èsar-'s tajâ via 'l uśèl, 'l iva pò fat fóra tut i mémbar dal staff sò amìg ma Pete al salta sù dgénd ch'l'éra tuta na burla par spavintàr i turìsta. Foravìa 'l fat che qualchidòṅ 'l à scanślâ i nóm di mémbar mòrt da 'n cartèl al fà pinsàr ch'al sasèṅ seriàł al gh sia dabòṅ e difàti subìt dòp al rasta Putman (Jay Chandrasekhar), ch'al mét sù i disc par far balàr la gint, al cata 'l còrp ad Cliff (Richard Perello).

Hank (M.C. Gainey), èx agìnt d'l FBI ch'l iva cumbatû anc in Niucaràgua, al cunvìns al persunàł a cuntinuàr a lauràr cuma s'a n fus sucès gnint ch'a catàr al sasèṅ a gh pénsa lò mo invéci a sucéd pròpria 'l cuntràri e Hank al pèrd la vita insém a la Yu (Lindsay Price). A pâr ch'al killer mascrâ al masa la gint tgnénd adrē a 'l paròli dna vècia canta 'd Pete.

Juan (Steve Lemme) al taca a suspetàr dla Penelope (Jordan Ladd), na ginàsta ch'la 'l vrév purtàr-'s a lèt, méntar chi àtar i créd'n invéci ch'al respunsàbil di masamènt al sia Lars (Kevin Heffernan), un ragàs ciciòṅ ch'al fà i sfrēg e ch'l è 'n fan sfegatâ 'd Pete. Chi lò al vîṅ sarâ dènt'r a na cambra ma 'l manìac al tórna a far-as viṿ tintànd ad masàr la Jenny (Brittany Daniel) in pisìna.

Culegamènt estéran