Urdidōr

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

'N urdidōr vertichêl dal Setsèint.

L' Urdidōr 'l è cl atrês mecànic ch'a servìs a 'l tesidōr per sistemèr e carghèr i fîl dl urdî in sìm'a 'l só tlêr per tès'r-i. A gh'n è 'd diferèint varietê, a seconda ch'al servìsa per di tlêr artigianêl o industriêl, cìc o grand.

Varietê 'd urdidōr

  • Al tîp più antîg e artigianêl d' urdidōr 'l è cla manéra śèimpia 'd arvujèr sù 'l fîl atâc a di piōl fisê in soquànt punt uriśontêl 'd un piàṅ o in dal vertichêl (c'm'a prèv és'r un mùr) per catèr-en la lunghèsa vlùda da carghèr in dal tlêr.
  • 'N èt'r urdidōr abasta intuitîv mo già più 'laburê, 'l è quêl ch'al gira in tònd, indû i fîl i gh'àn d'arvujèr-es sù sèimper dintòr'n a di piōl, mo anca tut in dal sircolèr e a salìr sù, infintànt ch'a n's in càta la lunghèsa vlùda.
  • L' urdidōr più cumplichê 'l è quêl industriêl: ind un repêrt specialiśê 'd 'na fàbrica, a s dróva na cantra, indû a gh'è dimòndi ruchèti 'd fîlê organiśèdi in manéra da carghèr tut i lōr fîl bele urdnê vers l' urdidōr, che a la só vòlta al carga soquànt sùbi che finalmèint i vìnen tachê in sìm'a 'l tlêr p'r invièr l'ōvra 'd tesidùra.
Na cantra mèinter ch'la carga 'n urdidōr a bòta.

Vōś lighèdi

Èter progêt

Colegamèint estèren