Una vita al massimo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg True Romance
Una vita al massimo
Vita al massimo.png
Slater e la Patricia Arquette in na figùra dal film
Na vita a 'l màsim
1993
Regia: Tony Scott
Scritùr: Quentin TarantinoRoger Avary
Atùr: Christian SlaterPatricia ArquetteVal Kilmer
Michael RapaportBronson PinchotGary Oldman
Dennis HopperBrad PittChristopher Walken
Samuel L. JacksonChris PennSaul Rubinek
Müsica: Hans Zimmer e soquànt àtar
Lengua: IngléśItagliàṅ
Dürä dal film: 118 minüt
Nasiòṅ: Stat UnîFrància


«
Mōr śóvan e ad tè lasa 'n cadàvar bèl.»
(Tagline dal film)


Una vita al massimo (Na vita a 'l màsim) 'l è 'n film 'd asiòṅ americàṅ e francéś dal 1993 ad Tony Scott. 'L è custâ trédas migliòṅ ad dòlar faghénd pò praticamènt cònt para.

In dla culòna sunóra i s càtan di braṅ dal gènar rockabilly americàṅ ma anc di pès rock cuma Outshined di Soundgarden, White Wedding ad Billy Idol e The Other Side di Aerosmith.

Sunt

Clarence Worley (Christian Slater) al fà 'l cumés in un negòsi ch'al vénd di fumét a Detroit. A chi lò i gh piàśan dimóndi i film ad Kung Fu e Elvis Presley. Al dè dal sò cumpléan, al ragàs al và a 'l cìnema a védar soquànt film ad Sonny Chiba e lè al cgnós na biónda tut pēvar, l’Alabama Whitman (Patricia Arquette), ch'la decìd, finî i film, 'd andàr a magnàr quèl sèg. Dòp la séna par Clarence a gh'è anc al dòpséna parchè fra i dū a gh scapa na ciuladìna in dal negòsi.

In dal cōr dla nòt però l’Alabama la s in và via par sò cònt ma pò la vèṅ catàda listés par Clarence in làgarmi. La ragàsa la gh cònta par dabòṅ 'd èsar na rója pagàda da 'l pruprietàri dal negòsi par far-'g un rigàl p'r al sò cumpléan. Persuàśa ad mulàr lè al mónd dla prustitusiòṅ, in dua la s è misa da pôc, l’Alabama la sa spóśa cun Clarence. Chi lò al n s pōl minga cumpatìr al fat ch'al vèć sfrutadōr ad sò mujér, Drexl Spivey (Gary Oldman), al sia incóra viṿ dòp tut al mâł ch'l à fat. Cun la scuśa 'd andàr a tōr la ròba dl’Alabama, tgnénd a drē anc a i cunsìli dal fantàśma 'd Elvis ch'al véd in dal sò viśiòṅ, Clarence al s tōś sù e al và a cupàr cal laśaròṅ là e pò al s fà dar da n'atra putàna la valìś dla sò dóna.

Quànd l’Alabama la la vèra la véd che dènt'r i n gh'èṅ minga i sò vistî ma 'n muć ad cucaìna. Dòp ès'r-as spavintâ, a i dū a gh vèṅ in mènt ch'i prévan far sù dimóndi bèsi vindénd-la lōr.

Culegamènt estéran