Una ragazza piuttosto complicata

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Una ragazza piuttosto complicata
Ragazza piuttosto complicata.png
La Spaak e Jean Sorel in na figùra dal film
Na ragàsa piutòst cumplicàda
1968
Regia: Damiano Damiani
Scritùr: Damiano Damiani
Alberto Silvestri • Franco Verucci
Atùr: Catherine SpaakJean SorelGigi Proietti
Florinda BolkanMaría CuadraLuigi Casellato
Gabriella BoccardoMaria Luisa Bavastro
Müsica: Fabio Fabor
Lengua: Itagliàṅ
Dürä dal film: 100 minüt
Nasiòṅ: Itàglia


Una ragazza piuttosto complicata (Na ragàsa piutòst cumplicàda) 'l è 'n film dramàtic dal 1968 ad Damiano Damiani ch'al tōś ispirasiòṅ in na manéra libra da 'n racònt 'd Alberto Moravia, „La marcia indietro“.

La pelìcula l'è cgnusùda anc cuma „Senza pudore“.

Sunt

Alberto (Jean Sorel) al gh'à 'n fradèl in punt ad mòrt cun sò cugnàda Marina (María Cuadra) ch'la gh tîṅ adrē ma a lò a n gh in ciàva gnint. Un dè al sènt sénsa vlēr na telefunàda purcùsa fra dū lèśbichi, la Claudia (Catherine Spaak), ch'la fà di quàdar, e la Greta (Florinda Bolkan), ch'l'è la sò muróśa e l'è più granda 'd lē. Alberto al fà in manéra 'd cgnósar la pitōra e pò al gh và anc a lèt subìt parchè qvàla là lè na purcùsa patintàda e la gh'à anc un muróś dimóndi gelóś ch'al s ciàma Pietro (Gigi Proietti).

Alberto al và a star da la Claudia, pò al pasa na giurnàda in dla vila dla Greta e al próa a far-as anc quésta chè ma lì lē la gh diś 'd avér-ag bèla 'l muróś, un mèdag ad quarànt' an (Sergio Graziani), ma Alberto al n gh créd mia. La Claudia la taca a dascórar, e la và sèmp'r adrē, che cl'atra la gh stà sèmp'r adòs dònca la la vrév andgàr in dla vasca da bagn o masàr-la tirànd-'g un cōlp ad pistòla. Quànd Alberto al vèṅ mandâ via da la Claudia parchè l'à decìś 'd armàgnar sèg, dòp avér anc śluntanâ Pietro, lò al decìd ad far fóra la Greta andànd-'g adòs cun la màchina.

Culegamènt estéran