Un tuffo nel passato (film 2010)
|
C'l artìcul chè 'l è scrit in
Miranduléś |
 Hot Tub Time Machine
| ||
| Un tuffo nel passato | ||
.png) Robinson e Corddry in na figùra dal film | ||
| Un tuf in dal pasâ 2010 | ||
|---|---|---|
| Regìa: Steve Pink | ||
| Scritōr: Josh Heald • Sean Anders • John Morris | ||
| Atōr: John Cusack • Clark Duke • Rob Corddry Craig Robinson • Sebastian Stan • Lizzy Caplan Lyndsy Fonseca • Crispin Glover • Chevy Chase | ||
| Müsica: Christophe Beck | ||
| Léngua: Ingléś • Rus | ||
| Dürä dal film: 101 minüt | ||
| Nasiōṅ: Stat Unî | ||
Un tuffo nel passato (Un tuf in dal pasâ) l'è na cumèdia americàna dal 2010 ad Steve Pink.
Custàda trénta-siē migliòṅ ad dòlar, la pelìcula la 'n à pò fat sù dagnóra ssanta-sinc. In dal film i s càtan soquànt pès an Utànta cuma Home Sweet Home di Mötley Crüe, Louder Than a Bomb di Public Enemy, Modern Love ad David Bowie, True di Spandau Ballet e Once in a Lifetime di Talking Heads.
Al film al gh'à abû 'n séguit in dal 2015 da 'l tìtul Un tuffo nel passato 2.
Sunt
Adam (John Cusack ), Nick (Craig Robinson) e Lou (Rob Corddry) i èṅ tri amìg su i quarànta ch'i n èṅ minga cuntènt dla sò vita esénd al prim un put dasfurtunâ in amōr, al secónd 'n èx muśicìsta stuf di còran ch'la gh mét sò mujēr Courtney (Kellee Stewart) e 'l tèrs 'n imbariagòs deprès c'n un tintatìṿ ad suicìdi andâ mâł.
Par tiràr-as sù, i tri i decìd'n insém ad far na vacànsa in muntàgna, in dal Kodak Valley Ski Resort in du i s éran divertî dimóndi in dal 1986, quànd i Poison i ìvan sunâ là. Adam al s pòrta sèg anc sò anvōd Jacob (Clark Duke), fiōl ad sò surèla Kelly (Collette Wolfe). Rivâ in d'l hutèl, al camarēr sénsa 'n bras Phil (Crispin Glover) al gh dà la cambra 'd in alóra e i quàt'r i s fàn'n un bagn in dla vasca idrumasàǵ. A n sèrt punt na bvanda in latìna la finìs su i cmand letrònic faghénd saltàr incòśa. La vasca, dvintàda na màchina dal tèmp, la i spedìs indrē a i tèmp dla prima vacànsa.
Jacob al mét in guàrdia i àtar tri dgénd-ag ch'i n gh'aṅ minga da far difarènt rispèt a i tèmp vèć o sinò al futûr al sarà ruinâ.