Un giorno perfetto (film 2008)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Un giorno perfetto
Giorno perfetto 2008.png
La Ferrari, la Sandrelli e la Guerritore
in na figùra dal film
Un dè parfèt
2008
Regia: Ferzan Özpetek
Scritùr: Melania Gaia Mazzucco
Ferzan Özpetek • Sandro Petraglia
Atùr: Isabella FerrariValerio Mastandrea
Nicole GrimaudoSerra YilmazNicole Murgia
Federico CostantiniStefania Sandrelli
Monica GuerritoreAngela Finocchiaro
Valerio BinascoGiulia SalernoMilena Vukotic
Ivan BacchiGabriele PaolinoBianca Nappi
Müsica: Andrea Guerra
Lengua: ItagliàṅNapulitàṅ
Dürä dal film: 105 minüt
Nasiòṅ: Itàglia


«
'L sà't cuś 't m à fat? Ta m à fat vgnir la vója 'd vìvar. Mè a viṿ ma minga tèg.»


Un giorno perfetto (Un dè parfèt) 'l è 'n film dramàtic dal 2008 ad Ferzan Özpetek trat da 'l rumànś umònim dla Melania Gaia Mazzucco. 'L è stâ prudót par qvéi dla Fandango c'n al cuntribùt dla Rai Cinema e 'l è stâ preśentâ a 'l 65śum Fèstival ad Venèsia.

La pelìcula l'è stada giràda a Róma.

Sunt

Na dóna cla lavóra a prugèt in un call center, l’Emma Tempesta (Isabella Ferrari), la tórna a vìvar, insém a i sò dū fiōi Kevin (Gabriele Paolino) e la Valentina (Nicole Murgia), a cà ad sò màd'r Olimpia (Stefania Sandrelli) dòp ch'al sò matrimòni c'n al pulisiòt Antonio Buonocore (Valerio Mastandrea) 'l è finî mâł anc se chi lò al n à mai mandâ śò cal ròsp lè. Na sira da 'l sò apartamènt i s sèntan di cōlp ad pistòla o di ciòc fòrt ad petàrd e na sò vśina 'd cà (Rosaria De Cicco) la ciàma la pulisìa par védar cuś è sucès. Quànd i rìvan lè, ninsòṅ a gh vèra.

Vint-quàt'r óri prima in sità i éran sucès dimóndi fat. 'L unurévul Elio Fioravanti (Valerio Binasco) al gh'à la tèsta sōl p'r i sò cumìsi eleturài méntar sò mujér Maja (Nicole Grimaudo) la vèṅ a savēr 'd aspetàr un putèṅ. N'insgnànta dla Valentina, la Mara (Monica Guerritore), la gh'à da véd'r al sò amànt mént'r Aris (Federico Costantini), fiōl dal pulìtig, al s è stufâ ad studiàr léǵ cum a vōl sò pàdar, parchè a gh piàś far di diségn. Dòp èsar stada lasàda a cà da in du lavóra, l’Emma l'incróśa par strada Antonio ch'al gh stà sèmp'r adòs e ch'al n à mai pagâ 'l mantenimènt p'r i sò fiōi. Dòp avér pruâ a viulentàr-la in di malghét, la dóna la 'l denùnsia a i carabinēr. Cla sira lè Buonocore al tōś i sò fiōi p'r andàr a magnàr fóra sèg e pò al i pòrta a cà sua.

Culegamènt estéran