Uccellacci e uccellini
|
C'l artìcul chè 'l è scrit in
Miranduléś |
 Uccellacci e uccellini
| ||
 Ninetto Davoli e Totò in na figùra dal film | ||
| Uślàs e uślèṅ 1975 | ||
|---|---|---|
| Regìa: Pier Paolo Pasolini | ||
| Scritōr: Pier Paolo Pasolini • Dante Ferretti | ||
| Atōr: Totò • Ninetto Davoli • Renato Capogna Femi Benussi • Alfredo Leggi • Ricardo Redi Umberto Bevilacqua • Rossana Di Rocco | ||
| Müsica: Ennio Morricone | ||
| Léngua: Itagliàṅ | ||
| Dürä dal film: 89 minüt | ||
| Nasiōṅ: Itàglia | ||
Uccellacci e uccellini (Uślàs e uślèṅ) l'è na cumèdia dramàtica dal 1966 ad Pier Paolo Pasolini, giràda in biànc e négar. Al film al s vèra c'n al braṅ umònim cantâ par Domenico Modugno e scrit p'r Ennio Morricone e Pier Paolo Pasolini.
La pelìcula, preśentàda a 'l 19śum Fèstival ad Cannes, l'è finìda in dla lista di sènt film itagliàṅ da salvàr anc s'l al film 'l è stâ qvél cun Totò ch'l à muciâ sù ad méno.
Sunt
Totò Innocenti (Totò) e sò fiōl Ninetto (Ninetto Davoli) i èṅ drē a giràr p'r al campàgni dintór'n a Róma quànd, a n sèrt punt, i incróśan par caś un córuv, 'n inteletuàł ad sinìstra 'd prima dla mòrt ad Palmiro Togliatti. 'L uśèl al cònta lōr na stòria di tèmp ad San Fransésc quànd chi lò 'l iva urdnâ a dū frâ 'd evangeliśàr i falchét e 'l pasarìni, un quèl dimóndi difìcil parchè cal bèsti lè i n cumbinàvan briśa.
I dū óm i cuntìnuan al sò viàś cun 'l uśèl che però al gh tîṅ adrē par cuntinuàr a far-ag la muràł da sapientòṅ ch'al sà tut lò. Totò e Ninetto i s férman a dascórar cun dla gint ch'la pasa da 'd lè, pò i cgnósan na putàna ciamàda Luna (Femi Benussi) ch'la fà sès sèg. Esénd ch'al córuv al gh stà sèmp'r adòs, stuf dal sò ciàcri, i al masàn par pò magnàr-al rustlî.