Tre tocchi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Tre tocchi
Tre tocchi.png
L'Ida Di Benedetto in na figùra dal film
Tri tóc
1987
Regìa: Marco Risi
Scritōr: Marco Risi • Francesco Frangipane
Riccardo De Torrebruna
Atōr: Leandro AmatoEmiliano RagnoGilles Rocca
Massimiliano BenvenutoVincenzo De Michele
Marco GialliniFrancesca InaudiIda Di Benedetto
Gianfranco GalloMatteo BranciamoreJonis Bascir
Antonio FollettoLuca ArgenteroClaudio Santamaria
Müsica: Jonis Bascir
Léngua: ItagliàṅIngléśRusNapulitàṅSicigliàṅ
Dürä dal film: 116 minüt
Nasiōṅ: Itàglia


Tre tocchi (Tri tóc) l'è na cumèdia dramàtica itagliàna dal 2014 ad Marco Risi, preśentàda a 'l Fèstival internasiunàł dal film ad Róma dal stés an. 'L è stâ girâ cun quatarsènt-sinquantamìla euro.

In soquànt camèo i s pōlan védar Luca Argentero, Claudio Santamaria, Sebastiano Somma, Enzo Decaro, Maurizio Mattioli e Paolo Sorrentino.

Sunt

Soquànt atōr e lavuradōr dal mónd dal cìnema e dal teàt'r i divìdan la pasiòṅ p'r al fólbar e i s véd'n insém par śugàr in dla squàdra 'd balòṅ dl’Italian Attori ad Jonis (Jonis Bashir) alenàda par Giacomino (Giacomo Losi).

Al napulitàṅ Leandro (Leandro Amato) al rècita la part 'd un travestî a teàtar, la Jennifer, ma al gh'à anc da srar i cònt c'n al pasâ. Max (Massimiliano Benvenuto) al vrév far 'l atōr ma al s véd pasàr davànti di àtar più śōvan e al gh'à acsè da turnàr da i suo in Lucàgna in du a spetàr-al a gh'è l’Angela (Letizia Ciampa), la fiōla budlòna 'd òṅ pîṅ ad bèsi ch'al gh'à di albêrg (Marcello Arnone). Vincenzo (Vincenzo De Michele) al canta in di risturànt ma ninsòṅ a 'l và a sintìr, giùst Maurizio Mattioli (Maurizio Mattioli) che però 'l al tōś in gir dgénd-ag “S'a pasìs da 'd chè 'n gat négar al s gratarév i maròṅ”, inóltar sò pàdar 'l è mis mâł (Gianfranco Salemi) e 'l è ricuverâ. Al dà acsè sfōg a la sò arlìa vulentànd la sò muróśa, l’Alessia (Alessia Alciati), e anc n'atra dóna incruśàda a 'l uśdàł (Francesca Insaudi). Gilles (Gilles Rocca), óm fòrt a na prima uciàda, star dal fiction e fidansâ cun la Francesca (Martina Codecasa), al finìs invéci in dal mónd dla dròga ch'al tōś a cà 'd un balarèṅ (Paco Reconti). Antonio (Antonio Folletto) al s è mis cun n'atōra in là c'n i an (Ida Di Benedetto) giùst p'r avér di cuć a teàtar ma adès 'l à decìś ad mulàr-la. Emiliano (Emiliano Ragno), ch'al fà 'l dupiadōr e anc al fachèṅ, p'r avér na part al finìs par céd'r a Paolo (Marco Guadagno), un regìsta ch'al s vanta 'd avér catâ la scrana ch'al druàva Federico Fellini quànd al giràva di film.

Culegamènt estéran