Soldati - 365 all'alba

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Soldati - 365 all'alba
Soldati 365 all'alba.png
Claudio Amendola in na figùra dal film
Suldâ - 365 a l'alba
1987
Regìa: Marco Risi
Scritōr: Stefano Sudriè • Marco Risi
Marco Modugno • Furio Scarpelli
Atōr: Claudio AmendolaAlessandro Benvenuti
Massimo DapportoIvo GarraniClaudio Botosso
Agostina BelliManlio DovìAngelo Cabiddu
Müsica: Manuel De Sica
Léngua: Itagliàṅ
Dürä dal film: 116 minüt
Nasiōṅ: Itàglia


«
Suldâ: un film masìs.»
(Tagline dal film)


Soldati - 365 all'alba (Suldâ - 365 a l'alba) l'è na cumèdia itagliàna dal 1987 ad Marco Risi, ambintàda in na caśèrma ad fantaśìa, davśèṅ a Trièst, al 47śum Batajòṅ Gèni Piunēr.

P'r a n avér minga di prubléma c'n i militàr par via d'l uś dal divìśi sénsa 'l parmés, i custumìsta i aṅ decìś ad métar-'g insìma dal stéli cun siē punti invéci che sinc.

Al mùśichi dal film i èṅ stadi scriti par Manuel De Sica a part la canta Soldati ch'la vèra e sèra 'l film ch'l'è 'd Umberto Smaila. In dla culòna sunóra i s càtan anc di pès pop cuma Papa Don't Preach dla Madonna, I Wanna Dance with Somebody dla Whitney Houston e O.K. Italia 'd Edoardo Bennato.

Sunt

1987: dòp al méś 'd adestramènt, un grup ad śóvan ch'i èṅ drē a far al militàr i vènan mandâ in na caśèrma dal Fiûl-Venèsia Giùglia sóta 'l cumànd dal tenènt Armando Fili (Massimo Dapporto), òṅ ch'al gh'à 'l ciòld fis dla disiplìna militàra ma anc ch'al patìs la geluśia par sò mujér Anna (Agostina Belli).

Quànd chi lò al vèṅ a savér ch'in dal grup a gh'è 'n rumàṅ, Claudio Scanna (Claudio Amendola), ch'al gh'à abû na cundàna a siē méś par na casutarìa, al taca a 'vér paùra ch'al ragàs al pòsa purtàr sèg di prubléma par 'l órdan.

Scanna, da 'l cant suo, al patìs prima i schèrs dal cap stéca Buzzi (Alessandro Benvenuti) e pò 'l è vitma 'd 'n epiśòdi ad nunìśum quànd i gh tir'n adòs dal pis. Incasâ négar, chi lò al và par cuntàr incòsa a Fili ma al n è minga bòṅ ad catàr-al in dal sò ufìsi parchè lò 'l è andâ via par di mutìṿ persunàl, a n cardénd briśa a la paròla ad sò mujér. Claudio al decìd alóra ad far-as giustìsia da par lò.

Culegamènt estéran