Tosca (cantànta)

C'l artìcul chè 'l è scrit in Miranduléś

«

Vorrei incontrarti fra cent'anni, rosa rossa tra le mie mani, dolce profumo nelle notti, abbracciata al mio cuscino, starò sveglio per guardarti nella luce del mattino, uoh questo amore, più ci consuma, più ci avvicina.»

(IT)(Vorrei incontrarti fra cent'anni, 1996)

«

A vrév incuntràr-'t incóra fra sènt an, ròśa rósa fra 'l mè maṅ, parfùm dōls in dal nòt, brasàda a 'l mè cusèṅ, a 'rmagnrò daśdâ par guardàr-'t in dla luś dal matèṅ, uoh c'l amōr chè, più al s frusta, più al s davśìna.»

(MUD)

La Tiziana Tosca Donati, cgnusùda méj sōl cuma Tosca (Róma, 29 'd Agóst dal 1967, a s lèś [ˈtoska] in itagliàṅ) l'è na cantànta e atōra itagliàna. L'è anc n'artìsta 'd teàtar in du l'è stada impgnàda in dimóndi lavōr cuma Sèt mujēr par sèt fradèi insém a Raffaele Paganini, I munólug dla figa, L'òpra da tri sòld, Gastòṅ e Al gran ditadōr.

In dla sò caréra l'à vins insém a Ron l'edisiòṅ dal 1996 dal Fèstival ad Sanrémo cun Vorrei incontrarti fra cent'anni e culaburâ cun di artìsta cuma Lucio Dalla, Riccardo Cocciante, Renato Zero e Fiorello méntar par lē i aṅ scrit di pès Ennio Morricone, l'Emma Marrone e Ivano Fossati.

In dal 2020 l'à tòlt part a la 70śma edisiòṅ dal Fèstival ad Sanrémo c'n al pès Ho amato tutto vinsénd la gara dal cover faghénd Piazza Grande ad Lucio Dalla insém a la spagnōla Sílvia Pérez Cruz.

Discugrafìa

Àlbum in studi

1992 - Tosca
1993 - Attrice
1996 - L'altra Tosca
1997 - Incontri e passaggi
2003 - Sto bene al mondo
2006 - Romana
2010 - Trentino Senza Tempo
2014 - Il suono della voce
2019 - Morabeza

Da 'l Viṿ

2017 - Appunti Musicali dal Mondo

Filmugrafìa

2006 - Baciami piccina, regìa ad Roberto Cimpanelli

Culegamènt estéran

(IT) Al sò sit ufisiàł