Tipografìa

Da Wikipedia.
C'l artìcul chè 'l è scrit in Carpśàn Emiliàn
Tipografìa ed Francfòrt, 1568

La Tipografìa (dal grèc τύπος, "ségn" e γράφειν, "scrîver") l' è 'na tècnica 'd stampa impurtéda chè in Itâglia a la fìn dal 1400 dal venesiàn Aldo Manuzio e druèda dimòndi subìt int dla regiòun véneta per stampèr i prìm lìber cui caràter môbil.

Descrisiòun

Al mistér 'dal tipôgraf al' s' divîd in piò pert:

  • Mèter śò 'na bóśa pr' avér cèri egli idéi dal riśultê ch' a s catarà;
  • Preparèr 'na 'fòrma' cumpòsta cui caràter môbil u anca cun di polìmer, ed quèl ch' a biśgnarà andèr a stampèr (al furmê tipugràfic);
I caràter môbil ed piòmb dèintr' al casèt dal tipōgraf, e in sìma, 'na forma già cumpòsta
  • Pasèr'gh in sìma dl'inciòster, cùn di rùl ch' i gh' al spèlmen; pò la fòrma, ch' l' è speculèr a quèl ch a s'andrà a léśèr, la vìn presèda in 'na manéra unifòrma (a gh' è dimòndi manéri ed presèrla) int sul piàn, sul fój 'd chèrta u 'd cartòun (mo al prèv anca èser un fòj 'd pergaména, d' séda, d' rèś, ed plàstica u d' metâl) in dù a s' và a pugèr l'inciòster piò adàt al chèś, e al stampê l'armagn acsè stampé in 'na manèra bastànsa duratùra (el deblèsi per la tgnùda dla stàmpa i prèven èser i strapàs, al bagnê, e 'na duratùra espusisiòun a la luś, ch' la śbiadirèv 'l inciòster);
  • Al tipôgraf al gh' arà anca da cunfesiunèr i stampê in cla manéra ch' al vôl al cliĵnt finèl: bluchèt, calendàri, lìber, manifèst, vulantèin, schèdi, ets.


Pr' estensiòun la tipografìa, l' a 'nn è mìa sôl la tècnica d' stàmpa, mo anca al laburatòri u la fàbrica in dû a se stàmpa.

Ligàm ed fóra