E Johnny prese il fucile

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Johnny Got His Gun
E Johnny prese il fucile
E Johnny prese il fucile.png
Timothy Bottoms in na figùra dal film
E Johnny 'l à tòlt al sćiòp
1971
Regia: Dalton Trumbo
Scritùr: Dalton Trumbo, da 'n sò rumànś dal 1939
Atùr: Timothy BottomsJason RobardsKathy Fields
Donald SutherlandDiane VarsiMarsha Hunt
Charles McGrawDonald BarryEric Christmas
Müsica: Jerry Fielding
Lengua: Ingléś
Dürä dal film: 111 minüt
Nasiòṅ: Stat Unî


«
L'esperiénsa più squasànta ch'at vivrà mai.»
(Tagline dal film)


E Johnny prese il fucile (E Johnny 'l à tòlt al sćiòp) 'l è 'n film dramàtic dal 1971 scrit e dirèt par Dalton Trumbo, girâ quànd al gh'iva bèla ssanta-siē an. 'L à vins al prèmi speciàl dla giurìa a 'l Fèstival ad Cannes dal 1971.

A s trata dla sōla pelìcula dla caréra dal senegiadōr uriginàri dal Culuràdo parchè, vitma dal macartìśum, 'l è stâ casâ via da Hollywood.

Sunt

Al śōv'n americàṅ Joe Bonham (Timothy Bottoms) al vîṅ ciamâ a far al militàr p'r al sò paéś e spedî in sal frònt francéś durànt la prima guèra mundiàla lasànd la sò muróśa, la Kareen (Kathy Fields), sò pàdar (Jason Robards) e sò màdar (Marsha Hunt) in di Stat Unî

Durànt 'l ùltim dè 'd guèra al vîṅ culpî da n'òbis ad canôṅ drit in dal pèt ma al la scampa listés par miràcul, purtâ in salv da gl'aleâ ch'i al cùran in 'n uśdàł militàr. Joe però 'l è mis mâł, ardùt a 'n tróś umàṅ (un pès ad carna ch'la viṿ): 'l à pardû i bras e 'l gambi, la vista, 'l udî e 'l viṿ tacâ a 'n respiradōr, cun na mascra adòs.

Dòp un para 'd an in cla manéra lè, 'l impàra a far-as capìr muvénd la tèsta sù e śò, tgnénd a drē a 'l alfabét Morse e al dmanda a i dutōr ad cupàr-al o sinò 'd rénd'r-al un śavàj da far védar in gir p'r al mónd par far cumpréndar a tut al scarési e la matéria dla guèra. A 'l inìsi chi muimènt lè i n èṅ briśa capî (i pàran i ségn 'd un mat) e Joe a 'l vîṅ indurminsâ a fòrsa, ma pò, cun 'l ajùt di militàr, finalmènt i al capìsan ma i decìdan listés 'd a n cuntintàr-al minga. Sōl n'infarméra (Diane Varsi) ch'la gh'à pietà 'd lò la próa a tiràr-ag via al tubèṅ ma la vîṅ paràda via a 'l ùltim minùt.

Joe al s rénd cònt ch'al n sarà mai librâ da cla cundisiòṅ lè e c'n un fîł 'd vóś al bacàja in dla sò mènt «S.O.S. jutâ'm».

Al vìddeo di Metallica

In dal 1989 al grup metal di Metallica 'l à mis soquànti parti dal film in dal vìddeo dla canta One, ch'la tōś pròpria riferimènt da 'l lìbar ad Trumbo.

«
Hold my breath as I wish for death, oh please God help me. Darkness imprisoning me, all that I see, absolute horror, I cannot live, I cannot die, trapped in myself, body my holding cell. Landmine has taken my sight, taken my speech, taken my hearing, taken my arms, taken my legs, taken my soul, left me with life in Hell.»
(EN)(One di Metallica, 1988)
«
A tégn férum al respìr mént'r a vój murìr, oh par piaśér Dio jut'um. Al scûr al m imparśòna, tut quél ch'a véd 'l è na scarésa gigànta, a n pòs minga vìvar, a n pòs minga murìr, a sòṅ intraplâ dènt'r ad mè, al mè còrp 'l è na parśòṅ. Na mina la s è tòlta la mè vista, la m à tòlt la paròla, la m à tòlt 'l udî, la m à tòlt i bras, la m à tòlt al gambi, la s è tòlta la mè anma, lasànd-um cun na vita a 'l Infèran.»
(MUD)

Culegamènt estéran