The Interpreter

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Interpreter
Interpreter.png
Sean Penn e la Kidman in na figùra dal film
La tradutōra
2005
Regia: Sydney Pollack
Scritùr: Martin Stellman • Brian Ward
Charles Randolph • Scott Frank • Steven Zaillian
Atùr: Nicole KidmanSean PennHugo Speer
Catherine KeenerYusuf GatewoodYvan Attal
Earl CameronJesper ChristensenByron Utley
Müsica: James Newton Howard
Lengua: IngléśKuFrancéśPurtughéś
Dürä dal film: 128 minüt
Nasiòṅ: Stat UnîRégn Unî
FrànciaGermàgnaSüd Africa


«
La véra la n gh'à minga biśógn ad tradusiòṅ.»
(Tagline dal film)


The Interpreter (La tradutōra) 'l è 'n thriller dal 2005 ad Sydney Pollack, 'l ùltim sò lavōr prima dla mòrt. La pelìcula l'è stada giràda anc dènt'r a 'l palàs ad vēdar dl'ONU parchè 'l segretàri generàł 'd in alóra, Kofi Annan, 'l iva dâ un parmés speciàł a Pollack, un quèl che gnanc Alfred Hitchcock p'r Intrigo internazionale al gh l'iva cavàda.

In dal film a s sènt na léngua africàna invintàda apósta p'r al film, al Ku, fata tulénd spunt da la léngua Bantu. Al stat fantumàtic in du la s dascór 'l è la repùblica demucràtica 'd Matobo ch'l'arcòrda dimóndi al Zimbabwe ad Robert Mugabe.

Custàda utànta migliòṅ ad dòlar, la pelìcula la 'n à pò purtâ a cà dagnóra sènt-a-ssantàtri.

Sunt

La Silvia Broome (Nicole Kidman) l'è na dóna carsùda in dla repùblica demucràtica 'd Matobo ch'la fà la tradutōra a l'ONU. Própria 'l presidènt ad cal stat africàṅ lè, al ditadōr Edmond Zuwanie (Earl Cameron), al gh'à da dascórar a 'l palàs ad vēdar par difénd'r-as da gl'acùśi 'd pulisìa ètnica ch'i gh'aṅ fat qvéi dla Cōrt Penàla Internasiunàla.

Un dè, par caś, la Silvia la sènt dū dascórar 'd un cumplòt e 'd un tintatìṿ ad cupàr qualchidòṅ. Sōl in séguit la s rénd cònt ch'i dascurìv'n ad Zuwanie in parsòna. La dóna la cònta incòsa a i servìsi segrét americàṅ ch'i màndan dū agìnt, Tobin Keller (Sean Penn) e la Dot Woods (Catherine Keener), a prutéś'r al cap ad stat.

Keller, armàś véduv da pôc, al vîṅ a savēr che la Silvia la gh l'à cun Zuwanie par di mutìṿ suo esénd che lē l'éra impgnàda in dla reśisténsa a Matobo e che di sò parènt i èṅ anc stâ fat cupàr p'r al ditadōr.

Culegamènt estéran