Squèdra da disègn

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

El dō squèdri da disgnèr i àngol ed 60° e 'd 45°.
Na squèdra ch'l'è gnuda bòuna per disgnèr 'n àngol ed 60°.
Un militêr drē a custruìr atâc a dal trêv, ch'al s tin sodi na squèdra da uśèina.

La squèdra l'è cal strumèint per disègn ch'al servìs, insèm cun la riga, per mèter śò dal ligni e di àngol, perpendicolêr a dagli ètri righi bèle disgnèdi prìma.
A s in cata sìa 'd plàstica che 'd metâl, mèinter che na volta i s fabrichèv'n ed lègn. La squèdra l'è 'd forma triangolèra e la s cata scalèina, cun 'n àngol 'd 60° e cl èt'r ed 30°, o la s cata incòr iśòsela, cui du àngol 'd 45°. 'D sólit ùn di du cô drìt al gh'à stampèda na schela graduèda per catèr el lunghèsi dal ligni ch'a s tira.
In dagli uśèini 'l è facil catèr dal squèdri 'd metâl più śvelti da druèr, ch'a gh'chela l'ipotenùśa e ch'i gh'àn al cô curt più spès, sia per tgnìr-el méj pugê che per tgnìr-el méj sodi in del màṅ.

Vóś lighèdi

Èter progêt

Colegamèint estèren