Diàvul

Artéccol in dialètt mudnés

Articul in Miranduleś

Al Diàvul, cgnusû anc cuma Demòni, l'è cla figùra ch'in dal religiòṅ l'è cl'entità spirituàla catìva, rabìda, distrutóra e ch'la cònta sól dal bali, in cuntràst a Dio, al bèṅ e a la verità.

'L è da spés figurâ cuma 'n óm cun na testa ad cavròṅ, i còran, la cóa e ali négri.

un diśégn dal Diàvul

Urìgini dla paròla

• La paròla diàvul la daśvèṅ dal latìn diabŏlus, tradusiòṅ fin da 'l inìsi dal tèrmin grèc Διάβολος, diábolos, ("calugnadór"), a sò vòlta tradusiòṅ d'l èbraic Saṭan (nemìg).

• La paròla demòni la daśvèṅ dal latìn daemonium tradusiòṅ dal tèrmin grèc daimónion ("cal fà part di Dèi").

Pruvèrbi e mōd ad dir

• Avér al diàv'l adòs: èsar agitâ, a n star mai férum, specialmènt druâ p'r i putèṅ.
• Pòvar diàvul: a s diś quand a s dascór 'd un puvrét o 'd un óm dasfurtunâ.
• Bòṅ diàvul: a s diś quand a s dascór 'd un óm dimóndi bòṅ.
• Al diàvul 'l è andâ in dal Mantṿàṅ (o Al diàvul 'l è andâ a durmìr): quand a sucéd quèl ch'a lasa a bóca vèrta, na ròba ch'la surprénd.
• Al diàvul a n è pò minga brut cuma i al faṅ: quand na ròba a n è minga bruta cum i vólan far crédar.