Vasco Rossi

Artéccol in dialètt mudnés

Articul in Miranduleś

«

Respiri piano per non far rumore, ti addormenti di sera, ti risvegli col sole, sei chiara come un'alba, sei fresca come l'aria...»

(IT)(Albachiara (1979))

«

At respìr piàṅ p'r a n far mia rumór, t'at durmens ad sira, t'at lèv cun al sól, 't sèe ciara cuma n'alba, 't sèe fresca cuma l'aria...»

(MUD)

Vasco Rossi 'l è un cantant itagliaṅ dimondi famóś. Al sò scutmâj 'l è Al Blasco.

Vasco Rossi in cuncèrt

Biugrafìa

Vasco Rossi al nas a Zòca in Pruvincia ad Mòdna al 7 ad Favràr dal 1952. Al nom al gh'è dâ da sò pàdar Giovanni Carlo, ch'ad mistèr al fa al camiunista, p'r un umaǵ a un sò cumpagn ad prigiunìa in Germagna durant la seconda guèra mundiala.

Fin da putèṅ al studdia cant a la scóla dal mìstar Bononcini par vulér ad sò màdar Novella Corsi e al taca a pasiunar-as a la muśica. A 13 aṅ al vins 'l Usignolo d'oro (Uśgnól 'd òr), na manifestasiòṅ canòra mudnéśa, nada par cuntrastar al Zecchino d'oro, mèntar a 14 anni al s unis a i "Killer", al sò prim grup muśicàl. Dal grup, ch'al cambia nóm in "Little Boys", al fà part anc Marco Gherardi, che più da volta al sarà cumpàgn 'd aventuri ad Vasco.

Al sò prim 45 gir, inciś in dal 1977, 'l è "Jenny/Silvia". 'L aṅ dòp al vèn fóra al sò prim album "...Ma cosa vuoi che sia una canzone..." (praticament vindû sól in Emégglia-Rumâgna. Al disc 'l è ad stamp cantautoriàl, incora distant da la linnea rock ad Vasco di aṅ sucesìv.

Al second album al vèn publicâ in dal 1979 e al s ciama "Non siamo mica gli americani" e al cuntèṅ "Albachiara" una dal sò canti più famóśi. Al disc al gh'à più sucès rispèt a quél da prima, ma gnint 'd eclatant.

La prima aparisiòṅ ad Vasco in televisiòṅ l'è dal 10 ad Śnar dal 1979, quand al partecipa cuma cuncurènt a la trasmisiòṅ "10 Hertz" ad Gianni Morandi. A la fin dal prugrama, Vasco al canta "La strega (la diva del sabato sera)".

Al 31 'd Utóbar dal 1979 al mór sò pàdar cun 'n infàrt méntar 'l éra insima al sò camion.

'L aṅ dopa al vèn fóra al ters album "Colpa d'Alfredo". Gnanc quést al vend dimondi anc p'r la censura ch'al subìs da la raddio parchè al sìngul umònim 'l è cunsiderâ vulgar e ufensiv.

«

Ho perso un'altra occasione buona stasera, è andata a casa con il negro, la troia! Mi son distratto un attimo... Colpa d'Alfredo che con i suoi discorsi seri e inopportuni mi fa sciupare tutte le occasioni, io prima o poi lo uccido!...»

(IT)(Colpa d'Alfredo, 1980)

«

A-j-ò pers n'atra ucaśiòṅ bòna stasira, l'è andada a cà cun al négar, la rója! A m sòṅ distràt 'n atim... Colpa 'd Alfredo che cun i sò discórs sèri e inupurtun a m fà butàr via tuti gl'ucaśiòṅ, mè prima o dòpa a 'l mas!...»

(MUD)