Siegfried & Roy
|
C'l artìcul chè 'l è scrit in
Miranduléś |
Siegfried Fischbacher (Rosenheim, 13 ad Śugn dal 1939) e Uwe Ludwig Horn (Nordenham, 3 'd Utóbar dal 1944 - Las Vegas, 8 ad Maǵ dal 2020), cgnusû méj cuma Roy Horn, i èṅ na còpia 'd iluśiunìsta americàṅ cun di urìgini tedéschi, dvintâ famóś c'n al nóm 'd art ad Siegfried & Roy.
I éran sòlit śibìr-'s in di lucài 'd Las Vegas.
Biugrafìa
I dū artìsta, omosesuài ligâ sentimentalmènt fra 'd lōr, i èṅ stâ bòṅ 'd vìnsar par dū vòlti 'l prèmi impurtànt Magician of the Year, in di an 1975 e 1983. In di sò spetàcui i fàv'n anc di nùmar cun dal tigri biànchi, cuma a 'l Caesars Palace 'd Las Vegas, e in dal 1989 Michael Jackson 'l iva scrit na canta par lōr da 'l tìtul Mind is the Magic.
Al 3 'd Utóbar dal 2003 Roy Horn, durànt un spetàcul a 'l Mirage 'd Las Vegas, 'l è armàś uféś in ghigna e frî in manéra grâṿ dòp 'n atàc dna tigra ciamàda Mantacore. A séguit ad cal brut fat chè, al duo 'l à śmis ad far di eśibisiòṅ in fiṅ a 'l 2009.
In dal 2020 Horn 'l è mòrt a stanta-sinc an par cólpa dal COVID-19.
Filmugrafìa
- 1982 - Cercando di uscire (Lookin' to Get Out), regìa 'd Hal Ashby
- 1997 - Las Vegas - Una vacanza al casinò (Vegas Vacation), regìa ad Stephen Kessler
- 2001 - Ocean's Eleven - Fate il vostro gioco (Ocean's Eleven), regìa ad Steven Soderbergh
Culegamènt estéran
- (EN) Al sò sit ufisiàł
- (EN) Filmugrafìa su 'l IMDb (Siegfried Fischbacher)
- (EN) Filmugrafìa su 'l IMDb (Roy Horn)
Àtar prugèt
Wikiquote contiene citazioni di o su Siegfried & Roy
Wikimedia Commons contiene file multimediali su Siegfried & Roy
