Michael Jackson

Da Wikipedia.

C'l artìcul chè 'l è scrit in Miranduléś Emiliàn


«
People always told me, "Be careful of what you do. And don't go around breakin' young girls' hearts." And Mother always told me, "Be careful of who you love. And be careful of what you do 'cause the lie becomes the truth." Billie Jean is not my lover. She's just a girl who claims that I am the one. But the kid is not my son. She says I am the one. But the kid is not my son.»
(EN)(Billie Jean, 1982)
«
I m aṅ sèmpar dit da star aténti a quél ch'a fava e 'd andàr minga in gir a śbragàr i cōr dal baghéti e mè màdar la m à sèmpar dit ad tgnir a drē a quéli ch'a gh vliva bèṅ e da star aténti a quél ch'a fava parchè la bala pò la dvènta la véra. Billie jean la n è minga la mè muróśa, l'è sōl na ragasōla ch'la diś ch'a sòṅ ùnic ma 'l putèṅ al n è briśa mè fiōl, la diś ch'a sòṅ ùnic ma 'l putèṅ al n è briśa mè fiōl.»
(MUD)


Jackson tòlt śò in dal 2003

Michael Joseph Jackson, cgnusû méj cuma Michael Jackson (Gary, 29 'd Agóst dal 1958 . Los Angeles, 25 ad Śugn dal 2009) 'l è stâ 'n cantànt e balarèṅ americàṅ, cgnusû cun al scutmàj ad Rè dal Pop. Al sò nóm 'l è finî dènt'r a 'l Guinness di Primâ p'r èsar stâ 'l artìsta nùmar òṅ ad tut i tèmp, rivànd a véndar da piò 'd un migliàrd ad disc.

'L à tacâ la sò caréra a sōi sinc an cuma leader dal grup ad famìja, i Jackson Five. Al sò àlbum dal 1982 Thriller, vinsidōr 'd òt Grammy Awards, 'l è 'l disc più vindû ad sèmpar. Par dū vòlti i 'l aṅ sarnî par mét'r al sò nóm in dla Rock and Roll Hall of Fame, in dal 1997 cuma cantànt di Jackson Five e in dal 2001 par la sò caréra da par lò.

Al 29 'd Agóst dal 2010, al dè in dua lò 'l arév cumpiû sinquàntà-dū an, 'l è dvintâ 'l artìsta più dascargâ ad tut i tèmp. In dla sò vita al s è impgnâ da spés p'r al bèṅ dla gint, dand quàtar-sènt migliòṅ ad dòlar in beneficénsa.

In dal 1994 Jackson al s è spuśâ cun la fiōla 'd Elvis Presley, Lisa Marie, cgnusùda in dal 1992 ma pò 'l à divursiâ sèg dū an dòp.

Jackson in mèś a Ronald Reagan e a la Nancy
Michael in na foto dal 1997

In dla sò vita Michael 'l à patî un prucès par pedufilìa ma dòp la sò mòrt a s è saû ch'i gh'ìvan dâ cóntar sōl par purtàr-ag via di bèsi.

Discugrafìa

Àlbum e Racòlti

  • 1972 - Got to Be There
  • 1972 - Ben
  • 1973 - Music & Me
  • 1975 - Forever, Michael
  • 1979 - Off the Wall
  • 1982 - Thriller
  • 1987 - Bad
  • 1991 - Dangerous
  • 1995 - HIStory: Past, Present and Future - Book I
  • 1997 - Blood on the Dance Floor
  • 2001 - Invincible

Culegamènt estéran

Àtar prugèt