Sette scialli di seta gialla
|
C'l artìcul chè 'l è scrit in
Miranduléś |
 Sette scialli di seta gialla
| ||
 L'Annabella Incontrera in na figùra dal film | ||
| Sèt siâi ad séda śala 1972 | ||
|---|---|---|
| Regìa: Sergio Pastore | ||
| Scritōr: Sandro Continenza Sergio Pastore • Giovanni Simonelli | ||
| Atōr: Anthony Steffen • Giacomo Rossi Stuart Sylva Koscina • Giovanna Lenzi • Umberto Raho Renato De Carmine • Annabella Incontrera Giovanna Lenzi • Imelde Marani • Irio Fantini Romano Malaspina • Isabelle Marchall | ||
| Müsica: Manuel De Sica | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia • Danimàrca | ||
Sette scialli di seta gialla (Sèt siâi ad séda śala) 'l è 'n thriller dal 1972 ad Sergio Pastore.
La pelìcula la tgniva adrē a 'l filòṅ di film śai cuma L'uccello dalle piume di cristallo e Una lucertola con la pelle di donna.
Sunt
La Paola Whitney (Isabelle Marchall), fotomudèla a 'l servìsi dla Françoise Ballais (Sylva Koscina) in 'n atelier ad Cupenàghen, la vîṅ catàda mòrta prima dna sfilàda. A pâr pròpria ch'la sia mòrta dna mòrt naturàla ma 'l sò muróś, al pianìsta òrub Peter Oliver (Anthony Steffen), al fà a mènt che qualchidòṅ al gh'iva péna regalâ un siâl 'd séda śala.
Quànd a sucéd un fat cumpàgn a n'atra mudèla, la Helga Schurn (Annabella Incontrera), Peter, jutâ par la sò amìga Margot Thornhill (Shirley Corrigan) e p'r al majurdòm Burton (Umberto Raho), al capìs finalmènt qvél ch'l è sucès dabòṅ. A masàr cal dól chè i èṅ stadi al grifàdi 'd un gat négar esénd ch'al sò grinfi i éran stadi puciàdi prima in dal curâr. A far andàr fóra 'd tèsta cla bèstia chè 'l éra na sustànsa ch'la gh dava fastìdi misa da 'l sasèṅ pròpria in di siâi.
Al cumisàri Jansen (Renato De Carmine), indagànd, al vîṅ a savēr ch'al gat 'l éra dna tòsica, la Susan Leclerc (Giovanna Lenzi), ch'la 'l iva dâ via in cambi ad dròga. Prima che chi lē la psis vudàr al sac, al sasèṅ al la masa a raśujàdi, pò al fà àtar tant cun la Margot, al futógrafar Harry (Romano Malaspina) e anc cun la pòvra Margot, cupàda in dal méntar ch'la s fava na dócia.
Suspetâ di masamènt 'l è 'l marè dla Françoise, Victor Morgan (Giacomo Rossi Stuart), ad nascòst tòlt śò da Henry a lèt cun na vitma.