Segreti fatali (docufiction)
|
C'l artìcul chè 'l è scrit in
Miranduléś |
 My Dirty Little Secret
| ||
| Segreti fatali | ||
.png)
| ||
| Segrét fatài 2013/2015 | ||
|---|---|---|
| Gènar: Docufiction | ||
| Stagiòṅ: 3 | ||
| Epiśòdi: 31 | ||
| Regìa: Kevin Fitzpatrick | ||
| Scritōr: Lorraine DiRienzo • Elise Greven | ||
| Atōr: Jennifer Server • J. Buzz Von Ornsteiner | ||
| Mùśica: / | ||
| Duràda: 43 minùt | ||
| Léngua: Ingléś | ||
| Nasiòṅ: Stat Unî | ||
Segreti fatali (Segrét fatài) l'è na docufiction americàna dal canàł Investigation Discovery ch'la dascór ad fat ad sangṿ sucès dabòṅ par geluśìa, vindéta, arlìa, bèsi, lusùria o inśgurdìśia, a séguit ad segrét tgnû lugâ par tròp tèmp ma che pò i èṅ saltâ fóra listés. I èṅ stadi giràdi tri stagiòṅ par trént'òṅ puntàdi in tut, mandàdi in ónda da 'l 29 ad Śnar dal 2013 a 'l 16 'd Avrìl dal 2015.
In Itàglia la série l'è traśmìsa p'r i canài dal grup Discovery Italia cuma Real Time e Nove.
In dla siggla dal prugràma a s véd na dóna ch'la pòrta 'l dî ìndas a 'l naś faghénd ségn ad tgnir la bóca saràda.
In dal prugràma i prutagunìsta dal stòri i èṅ interpretâ da di atōr ch'i s cumpòrtan cum in na fiction, druànd più i còrp che la paròla a dir dabòṅ, parchè i fat i èṅ cuntâ da na vóś mént'r in studi a gh'è di espèrt ch'i dìśan la sua cuma 'l psicòlug di tribunài J. Buzz Von Ornsteiner, testimòni, parènt véra di persunàǵ o sò amìg, èx giùdas, giurnalìsta, scritōr e avucàt. Praticamènt in dla prima part dla puntàda a s figùra la vita di prutagunìsta e i ligàm fra 'd lōr, pò a gh'è la part in du i sàltan fóra i ségret ch'in na quàlc manéra i pòrtan a di masamènt e a gl'indàśin dla pulisìa. A la fiṅ dla puntàda a s fà 'l nóm dal/di sasèṅ, cuntànd-'n i mutìṿ e dascurénd ad cum l'è andàda a finìr in dal prucès.
Da spés, durànt la ricustrusiòṅ di fat, gl'atōr i guàrdan sćèt in ghigna i spetadōr, faghénd di uciàdi da malisióś, da purcùs o da furbèṅ cuma s'i śughìsan sèg.