Ruth Rendell

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Ruth Rendell tòlta śò in dal 2007


La Ruth Barbara Grasemann Rendell, cgnusùda méj sōl cuma Ruth Rendell o anc c'n al pseudònim ad Barbara Vine (South Woodford, 17 ad Favràr dal 1930 - Lóndra, 2 ad Maǵ dal 2015), l'è stada na scritōra ingléśa, Cumendadōra d'l Órdan d'l Impēr Britànic. Aṿtōra 'd best seller pulisiésc, dal mistēr e rumànś psiculògic, la spartìva cun la sò amìga e scritōra P. D. James al scutmàj ad „regìna dal crìmin“. L'è stada mémbra dla Cambra di Lòrds fra i banc dal Partî Laburìsta.

Da i sò lìb'r i èṅ stâ fat dimóndi film cuma Il buio nella mente e La damigella d'onore ad Claude Chabrol (trat da i sò rumànś La mòrt la n sà minga lèśar e Al pugnàł 'd vēdar), Carne tremula ad Pedro Almodóvar (da Carna viva) e Restless ad Gilles Bourdos (da Un spetàcul p'r i òć).

Biugrafìa

Nada Grasemann, l'éra 'd Lóndra e fiōla 'd dū insgnànt. La Ruth la taca a lauràr faghénd giurnalìśum, pò a vint an la spóśa 'l culéga Donald Rendell ch'al dvènta pàdar tri an dòp dal sò ùnic fiōl. Dòp déś an a far la raśdóra, la taca a scrìvar, prima dū nuvèli e pò 'l sò prim rumànś da 'l tìtul Létri murtàli (1964), invintànd al persunàǵ d'l ispetōr Reginald Wexford.

In séguit la ciàpa cla strada lè catànd al sucès scrivénd un squantèr'n ad lìbar famóś anc a 'l èstar. I sò scrit i éran dimóndi elegànt in dla pròśa e i gh'ìvan na cura p'r al spesōr psiculògic di sò persunàǵ e p'r i particulàr, cun la luś puntàda su i mecanìśum cumplès dla mènt umàna.

Dòp ès'r armàśa védva in dal 1999, la Ruth la mōr a utànta-sinc an par 'n ìctus.

Culegamènt estéran