Rossana Casale

C'l artìcul chè 'l è scrit in Miranduléś

«

Essendo questa società dei delitti e delle pene, siamo in catene di un'apparente libertà, sembra che tutto sia uno spreco di energia tuttavia che amore c'è, in me stessa e intorno a me? Quanto di bello e di vero? A che servono gli dei?»

(IT)(A che servono gli dei, 1989)

«

Esénd cla sucietà chè di delìt e dal péni, a sém in cadéni dna libertà ch'la pâr sōl, a pâr che tut a sia na strasinàda 'd energìa foravìa che amōr gh'è'l, ad dènt'r e dintór'n a mè? Quànt ad bèl e 'd véra? A cuśa sarvìs'n-i i dio?»

(MUD)

La Rossana Casale (New York, 21 ad Luj dal 1959) l'è na cantànta e insgnànta itagliàna, fiōla dal futógrafar americàṅ Giac Casale. Al sò stîł muśicàl al mìsćia insém jazz, blues e pop.

Dòp 'n inìsi da curìsta par Riccardo Cocciante, Mina, Mia Martini, Loredana Bertè, Al Bano e Romina Power, la Casale la fà vgnir fóra 'l sò prim disc da par lē in dal 1984, un àlbum umònim prudót par la Premiata Forneria Marconi. 'L an prima l'iva recitâ faghénd la part dla Rossana in na pelìcula 'd Pupi Avati da 'l tìtul Una gita scolastica in dua l'à cantâ L'incanto e A tu per tu.

In dla secónda mità di an Utànta la preśénta a 'l Fèstival ad Sanrémo i braṅ Brividi, Destino e A che servono gli dei e la vins a Premiatissima 86 cun la canta Nuova vita. In séguit la lavóra da insgnànta in soquànt prugràma televiśìṿ muśicài cuma Operazione trionfo, X-Factor e Amici di Maria De Filippi.

Fra 'l sò culaburasiòṅ a 'rcurdém qvéli cun la Grazia Di Michele, insém tèrsi a Sanrémo cun Gli amori diversi, cun Bobby Solo e cun la Mariella Nava.

Discugrafìa

Àlbum in studi

1984 - Rossana Casale
1986 - La via dei misteri
1989 - Incoerente jazz
1989 - Frammenti
1991 - Lo stato naturale
1993 - Alba argentina
1994 - Jazz in Me
1996 - Nella notte un volo
1999 - Jacques Brel in Me
2000 - Strani frutti
2004 - Billie Holiday in Me
2006 - Circo immaginario
2009 - Merry Christmas in Jazz
2014 - Il signor G e l'amore
2016 - Round Christmas

Racòlti

1992 - Brividi
1998 - The greatest hits
2002 - Riflessi - Greatest hits
2006 - Le più belle canzoni di Rossana Casale
2009 - The Universal Music Collection

Culegamènt estéran

(IT) Al sò sit ufisiàł