Relative Strangers
|
C'l artìcul chè 'l è scrit in
Miranduléś |
 Relative Strangers
| ||
| Relative Strangers | ||
 La Bates, la Campbell e DeVito in na figùra dal film | ||
| Parènt furastēr 2006 | ||
|---|---|---|
| Regìa: Greg Glienna | ||
| Scritōr: Greg Glienna • Peter Stass | ||
| Atōr: Danny DeVito • Kathy Bates • Ron Livingston Neve Campbell • Beverly D'Angelo • Bob Odenkirk | ||
| Müsica: David Kitay • Joseph Pullin | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî • Germàgna | ||
Relative Strangers (Parènt furastēr) l'è na cumèdia dal 2006 ad Greg Glienna ch'la tōś ispirasiòṅ da qvél ch'l è sucès dabòṅ a 'l mijór amìg dal regìsta.
In dla versiòṅ uriginàla i genitōr ad Richard i s ciàman Menure (paròla ch'in ingléś l'arcòrda manure ch'a vōl dir „aldàm“) mént'r in qvéla itagliàna al sò cugnóm 'l è Porcheria („purcarìa“).
Sunt
Richard Clayton (Ron Livingston) al gh'à trénta-quàt'r an e 'l fà 'l psicòlug. 'L à péna strulgâ la manéra 'd tgnir sóta cuntròl al narvóś e 'l gh'à anc scrit sù 'n lìbar. Adès ch'l è drē a spuśàr-as cun la sò muróśa Ellen Minnola (Neve Campbell), sò fradèl Mitch (Bob Odenkirk) al gh fà 'n daspèt dgénd-ag ch'l à péna savû ch'l è stâ adutâ da pìcul e che sò màdar Arleen (Christine Baranski) e sò pàdar Doug (Edward Herrmann) i n èṅ minga i sò genitōr dabòṅ. Chi lōr dū i èṅ di burghéś cunservadōr sfegatâ pîṅ 'd bèsi méntar Richard 'l è invéci 'n liberal patintâ.
Al psicòlug al vōl cgnós'r i sò genitōr e 'l paga 'n investigadōr par pascàr-i e invidàr-i a séna prima dal matrimòni. Quànd i dū, uriginàri dla campàggna d'l Illinòis, i sònan finalmènt a 'l us, a Richard a gh vîṅ dagnóra 'n cōlp parchè al véd ch'i suo i èṅ dū espunènt dal white trash. Frank Purcarìa (Danny DeVito) al vénd dal vlèṅ p'r i sórag, 'l è bas e 'l gh'à 'n piruchèṅ in cô, l’Agnese (Kathy Bates) invéci la fà la raśdóra. Tut dū i èṅ gréś cuma la śmalta, i dìśan da spés dal parulàsi, i dascóran fòrt cuma di vilàṅ e i èṅ fàcil a la litgàda ma i èṅ anc bòṅ ad cōr, sćèt e dimóndi ligâ a la famìja.
Richard al n s i cumpatìs pròpria briśa e 'l vrév ch'i turnìs'n in présia 'd in du i èṅ vgnû ma 'n stravènt al tira śò la sò roulotte e l’Ellen la 'l cunvìns a tgnir-i sèg par soquànt dè.