Quant'è bella la Bernarda, tutta nera, tutta calda
|
C'l artìcul chè 'l è scrit in
Miranduléś |
 Quant'è bella la Bernardatutta nera, tutta calda | ||
| Mo cum l'è bèla la Barnàrda, tuta négra, tuta calda 1973 | ||
|---|---|---|
| Regìa: Lucio Giachin | ||
| Scritōr: Luigi Russo | ||
| Atōr: Mariangela Giordano • Fortunato Cecilia Mario Brega • Fabio Garriba • Marcello Di Falco Dada Gallotti • Marcello Monti • Claudio Di Meo Mirella Rossi • Pasquale Basile • Gino Maga Rossano Campitelli • Salvatore Giocondo Salvatore Baccaro • Luigi Antonio Guerra | ||
| Müsica: Vasili Kojucharov | ||
| Léngua: Itagliàṅ | ||
| Dürä dal film: 92 minüt | ||
| Nasiōṅ: Itàglia | ||
Quant'è bella la Bernarda, tutta nera, tutta calda (Mo cum l'è bèla la Barnàrda, tuta négra, tuta calda) 'l è 'n film da rìdar spurcaciòṅ a epiśòdi dal 1973, vgnû fóra sōl dū an dòp par di prubléma 'd cinsùra, ad Lucio Giachin che però al s firma Lucio Dandolo.
Al tìtul definitìṿ, dòp i pruviśòri Quanto è bella la Bernarda, chi la tocca... chi la guarda e Il sessorcista, al fà riferimènt da 'l cult ad Mariano Laurenti dal 1972 Quel gran pezzo dell'Ubalda tutta nuda e tutta calda.
Sunt
[mudéfica la surzéia]Epiśòdi „Le nozze di Gerundio e Parolina“
[mudéfica la surzéia]Gerundio (Claudio Di Meo) e la sò muróśa Parolina (Mirella Rossi) i s èṅ péna spuśâ ma i gh'aṅ di prubléma a gusàr par la prima vòlta. Gnanc i sò genitōr i pōl'n èsar-'g 'd ajùt, par furtùna ch'a gh'è Mutolo.
Epiśòdi „Eleonora e Sigismondo“
[mudéfica la surzéia]Bramante (Fortunato Cecilia) al gh'à na bèla mujér ciamàda Eleonora (Mariangela Giordano) ma Sigismondo (Rossano Campitelli) al gh'à butâ gl'òć adòs anc lò e al vrév far-'s-la. Al próa prima a far-as jutàr par na stria pò a insfilsàr-as da par lò in dla cambra dla dóna. Purtròp sóta 'l quèrti al cata sò marè.
Epiśòdi „Il bell'Arturo“
[mudéfica la surzéia]Arturo (Marcello Di Falco) al créd 'd èsar 'l óm più bèl dal mónd e fórsi 'l è par quàl lè che sò mujér la 'l à spuśâ. Quànd al sò sarvidōr Aglio (Salvatore Giocondo) al mét in dubi ch'al sia lò 'l più bèl parchè anc sò fradèl Romino (Marcello Monti) al n è mia mâł, i dū óm i s rèndan cònt però 'd avér-'g i còran, dònca i gh dàn'n a muć cun cal dóni, capìtul sarâ.
Epiśòdi „Il Cavalier Mirafiore“
[mudéfica la surzéia]A 'l cavalēr Mirafiore (Mario Brega) 'l aj a gh fà 'n efèt strâṅ parchè al sò udōr 'l al fà dvintàr un purcùs gusadōr ch'al n stà in du star par la śmàgna. Al rè (Gino Maga), ch'al gh'à paùra ch'al pòsa ciulàr-ag la mujér (Dada Gallotti), 'l al fà mét'r in parśòṅ. Ma la regìna la gh'à vója e ad nòt la 'l và a catàr cun na cadnìna 'd aj adòs.
Epiśòdi „Messer Giannetto“
[mudéfica la surzéia]Pòvar Giannetto (Renzo Rinaldi), tut 'd un trat a gh'è vgnû 'l mâł dla lumàga, e pòvra mujér (Marie Odile Riki), ag daśgràsia! 'L óm al li próa tuti par turnàr qvél dna vòlta, anc andànd a pagamènt da 'n mâg (Luis La Torre) che però 'l è 'n fargadōr patintâ ch'a gh pòrta via tut i bèsi.
Epiśòdi „Frate Fontanarosa“
[mudéfica la surzéia]A Frâ Fontanarosa (Enzo Pulcrano) a gh piàś pargàr ma anc i piaśēr dla carna i gh fànan góla. Giusà cuśa dirév'n-i i sò culéga (Fabio Garriba e Luigi Antonio Guerra) s'i saìsan che lò al và a rój. Quànd al vîṅ bcâ dabòṅ al gh la cava a pasàr listés par 'n óm sant e bòṅ.