Pólvra
|
C'l artìcol chè 'l è scrit in
Carpśàn |
La pólvra o pólver (polvere in itagliàṅ) l'è n'armisćiànsa ed pcunsèin dimòndi cìc ed materiē di più diferèint, e anca 'd fùm, ch'i galègen in dl'ària e i se strèmnen pugèndes un pô in gìr dapertùt ch'a nn'è gnanc un bèl vèder, dôp che descòmed da respirèrla o spluchintèrsegh atâc.
Difât, in dla pólvra, minga in dimòndi tèimp, i s śunten dal bestiulèini, i àcher edla pólvra, ch'i gh'rùmen da mêś, in serca ed magnèr e 'd mètregh sù famìja. I só escremèint, ch'i se strèmnen incóra dàint'r in dla pólvra, gnanc raramèint i prèven fèr gnìr dagli alergìi del persòuni ala pólvra: indispensàbil, a cal pùnt, stergèr subìt e tgnìr i ambiìnt al più lùcid pusìbil.
In dal vōd edl univèrs a gh'è pò anc la pólvra spasièla, ch'la 'gh viàśa stremnèda da mêś e che in sert mumèint la gh'la chèva anch ed grupèr-es per fèr sù di pcòun più grôs ed giaròun o 'd pianéta.
Manéri 'd dìr
- (CARPŚ) Dèr śò la pólvra, (IT) (lett.) Spolverare, (fig.) Avere rapporti sessuali, Malmenare.[1]
- (MUD) Magnèr la pólvra,[2] (IT) (lett.) Mangiare la polvere, (fig.) Rimanere indietro.
- (SPIL) La scrāna vêcia ch'a-gh'ëra ind’ al tasêl, a fôrza 'd tarö l’-é andêda tóta in pölvra,[3] (IT) La sedia vecchia che stava nel solaio, a furia di tarli, è andata tutta in polvere.
Vóś lighèdi
Èter progêt
Wikimedia Commons contiene file multimediali su Pólvra
Wikizionario contiene la voce di dizionario «Pólvra»
Colegamèint estèren
- (IT) La vōś in sìm'a 'l vocabolàri Treccani.
- (IT) D'indû a deśvìn al só nòm in sìm'a etimo.it.
Noti e referèinsi
- ↑ (CARPŚ) e (IT) In dal "Dizionario del dialetto carpigiano" dal Grasiàn Malagòli e dl'Anna Marìa Ori, Mòdna 2011, a s escrìv: „Dèer ṡò la póolver”.
- ↑ (MUD) e (IT) "A m'arcòrd - Dizionario enciclopedico del dialetto modenese", dal Sander Bellèi, Frèra 1999.
- ↑ (SPIL) e (IT) "Vocabolario del dialetto spilambertese" ed Renato Peri, Mòdna, 2009.