Psyco 2
|
C'l artìcul chè 'l è scrit in
Miranduléś |
 How Awful About Allan
| ||
| Psyco 2 | ||
 La Julie Harris e Perkins in na figùra dal film | ||
| Psyco 2 1970 | ||
|---|---|---|
| Regìa: Curtis Harrington | ||
| Scritōr: Henry Farrell | ||
| Atōr: Anthony Perkins • Julie Harris • Bill Erwin Joan Hackett • Robert H. Harris • Molly Dodd Billy Bowles • Trent Dolan • Kent Smith | ||
| Müsica: Laurence Rosenthal | ||
| Léngua: Ingléś | ||
| Dürä dal film: 73 minüt | ||
| Nasiōṅ: Stat Unî | ||
Psyco 2 (id.), cgnusû anc c'n al tìtul ad Che succede al povero Allan?, 'l è 'n thriller par la televiśiòṅ ad Curtis Harrington girâ par la ABC in déś dè e scrit par Henry Farrell. Par far méj 'l òrub, al prutagunìsta Anthony Perkins al s è mis dal lénti speciàli in di òć.
Al tìtul dla versiòṅ itagliàna, e anc la sò tagline, la lasarév inténdar ch'la pelìcula la sia 'l séguit ad Psyco o ch'la gh'àppia 'n quàlc ligàm c'n al film 'd Alfred Hitchcock o ch'al sò séguit ufisiàł Psycho II mo invéci al n gh'èntra pròpria gnint.
Sunt
Allan (Anthony Perkins) 'l à pasâ òt méś in un uśdàł psichiàtric dòp ch'l à vdû sò pàdar murìr in 'n inséndi sénsa psēr far-ag gnint. P'r al tràuma 'l à anc praticamènt pardû la vista p'r un distùrub psico-sumàtig, 'l è bòṅ ad védar sōl dgl'òri.
Dòp al curi dal dutōr Ellins (Robert H. Harris) al và a star da sò surèla Katherine (Julie Harris), ch'la fà fadìga a dascórar esénd armàśa uféśa a la góla durànt la daśgràsia, a cà 'd sò pàdar. La sò èx muróśa, la Olive (Joan Hackett), la s fà viva parchè la vrév turnàr-'g insém ma Allan al gh'à di bèi prubléma esénd ch'al gh'à da spés di arbgàt e ch'a gh pâr 'd sintìr na parsòna bacajàr-ag darènt. Sò surèla la vrév ch'al dmandìs ajùt a 'n psicòlug ma lò al créd invéci ch'la 'l vója mandàr incóra in clìnica, 'd acòrd c'n al sò muróś Eric (Trent Dolan) che lē la giùra invéci ch'al sia partî in Austràglia par lavōr.