Postal (film)

Da Wikipedia.

C'l artìcul chè 'l è scrit in Miranduléś Emiliàn

Postal

Michael Benyaer in na figùra dal film
id.
2007
Regìa: Uwe Boll
Scritōr: Uwe Boll • Bryan C. Knight
Atōr: Zack WardDave FoleyChris Coppola
Chris SpencerLarry ThomasRalf Moeller
Jackie TohnVerne TroyerBrent Mendenhall
Michael ParéMichael BenyaerJ.K. Simmons
Müsica: Jessica de Rooij
Léngua: Ingléś
Dürä dal film: 100 minüt
Nasiōṅ: Stat UnîCànadaGermàgna


«
Soquànti cumèdi i eśàgeran, qvésta chè la và óltar.»
(Tagline dal film)


Postal (id.) l'è na cumèdia grutésca dal 2007 'd Uwe Boll, vinsidōr 'd un Razzie Awards in dal 2008, ch'la tōś ispirasiòṅ da 'n śōg vìddeo ad masamènt c'n al stés nóm.

La pelìcula la n à muciâ sù gnanc sènt-sinquantamìla dòlar in tut al mónd dòp ès'r-an custàda quìndas migliòṅ.

Sunt

Asif (Paulino Nunes) e Nabi (Merik Tadros) i èṅ dū terurìsta àrab ch'i gh'aṅ intensiòṅ ad far stiancàr 'n aparéć cónt'r al tór śmèli 'd New York par cònt 'd Osama Bin Laden (Larry Thomas). Esénd che chi lò al n è minga bòṅ ad garantìr-'g un nùm'r ad vìrgin abàsta, parchè di màrtir in gir a gh 'n è tròp, chi lōr i càmbian idéa a 'l ùltim ma 'l intervènt di pasegēr i fànan vgnir śò listés 'l aparéć ch'al finìs dònca su 'l World Trade Center.

Sinc an dòp, in dla sitadìna 'd Paradise in Ariśòna, un bòṅdagnìnt scansafadìgi white trash dal pòst ch'al viṿ in na roulotte scasàda, Postal Dude (Zack Ward), al vîṅ a savēr che sò mujēr (Jodie Stewart), na sòcla budlòna ch'la s fà dar da tut, la gh mét i còran quànd lò 'l è via. 'L óm al decìd ad far grup cun sò sîṅ Dave (Dave Foley), a cap 'd un muimènt religióś dal „cult dal dè dal giudìsi“, e c'n al sò culaburadōr ciciòṅ Richard (Chris Coppola) par rubàr un càr'g ad dumìla bàmbuli Krotchy Dolls, ch'i vìnan vindùdi a quàtar-mila dòlar a pès in internet. Ma anc i terurìsta iślàmic, cmandâ p'r un tisi ciamâ Mohammed (Michael Benyaer), i gh'aṅ butâ gl'òć adòs parchè i vōlan druàr chi putòć lè, da cuntaminàr c'n al vìrus dl'influénsa aviària par far un stermìni fra i putèṅ americàṅ.

Cumènt

Culegamènt estéran